ماريام ميرزاحاني - ماتەماتيكا سالاسىنىڭ ۇزدىكتەرىنە بەرىلەتىن ەڭ بەدەلدى فيلدس سىيلىعىن العان الەمدەگى العاشقى جانە جالعىز ايەل. ماتەماتيكتەرگە ارنالعان نوبەل سىيلىعى بولماعاندىقتان، وسى فيلدس پرەمياسى «ماتەماتيكادان نوبەل سىيلىعى» سانالادى.
ايتا كەتۋ كەرەك، ميرزاحاني فيلدس سىيلىعىن 2014 -جىلى ريمان بەتىنىڭ گەومەترياسى مەن ديناميكاسى جانە ولاردىڭ مودۋلدەرى كەڭىستىگىنىڭ تەورياسىنا قوسقان زور ۇلەسى ءۇشىن العان بولاتىن. ءسويتىپ، يران جەرىنىڭ تۋماسى وسىعان دەيىن تەك ەر ادامدار العان ايتۋلى سىيلىق تابىستالعان الەمدەگى العاشقى ايەل اتاندى.
فيلدس سىيلىعى 1936 -جىلدان بەرى ءتورت جىلدا ءبىر حالىقارالىق ماتەماتيكالىق كونگرەستە ۇزدىك تانىلعان ماتەماتيكتەرگە بەرىلەدى. شارت بويىنشا بولاشاق لاۋرەاتتاردىڭ جاسى 40-تان اسپاعان بولۋى كەرەك. ميرزاحاني 1977 -جىلى 3 - مامىردا يراندا دۇنيەگە كەلگەن. ول 1994 جانە 1995 -جىلدارى قاتارىنان ەكى رەت ماتەماتيكادان حالىقارالىق وليمپيادا جەڭىمپازى اتاندى. 1999 -جىلى تۋعان جەرىنەن ا ق ش- قا كوشتى. ماريام 2004 -جىلى گارۆارد ۋنيۆەرسيتەتىندە ماتەماتيكا عىلىمىنىڭ دوكتورى دارەجەسىن ءساتتى قورعاپ شىقتى. جالپى ول لوباچيەۆسكيدىڭ گەومەترياسى، تەيحميۋللەر تەورياسى، ەرگوديكالىق تەوريا مەن سيمپلەكتيكالىق گەومەتريا جونىنەن ماماندانعان. تانىمال ماتەماتيك ايەل 2008 -جىلدان بەرى ستەنفورد ۋنيۆەرسيتەتىندە وقىتۋشى قىزمەتىن اتقاردى.
دەرەككوز: BBC
www.24.kz