مەيىرىم نۇرسۇلتانوۆ كاسىبي رينگتەگى قارسىلاسىن ءبىرىنشى راۋندتا قۇلاتتى
08:01, 15 - شىلدە 2017
استانا. قازاقپارات - قازاقستاندىق بوكسشى مەيىرىم نۇرسۇلتانوۆ ا ق ش- تاعى جەكپە-جەگىندە ۋاقىتىنان بۇرىن جەڭىسكە جەتتى، دەپ حابارلايدى قازاقپارات Sports.kz-قا سىلتەمە جاساپ. لوس- اندجەلەستە وتكەن بوكس كەشى بارىسىندا مەيىرىم امەريكالىق لەنني دارداردى ءبىرىنشى راۋندتا تەحنيكالىق نوكاۋتپەن «توقتاتتى».
بۇل قازاقستاندىق بوكسشىنىڭ كاسىبي رينگتەگى ءۇشىنشى جەڭىسى جانە ۋاقىتىنان بۇرىن اياقتاعان ەكىنشى ايقاسى. ال داردار ءۇشىن بۇل سەگىزىنشى جەڭىلىس. ەسكە سالساق، مەيىرىم نۇرسۇلتانوۆ اعىمداعى جىلدىڭ ءساۋىر ايىندا انكاسۆيللدە (ا ق ش، كوننەكتيكۋت شتاتى) مەكسيكالىق حاۆەر ولۆەرامەن ايقاسىپ، كاسىبي رينگتەگى العاشقى نوكاۋتىنا قول جەتكىزگەن بولاتىن.
التى راۋندتىق فورماتتا وتكەن جارىس ەكىنشى راۋندتا 1.15 ۇپايمەن نۇرسۇلتاننىڭ ورىنداۋىنداعى تەحنيكالىق نوكاۋتپەن اياقتالدى. ولۆەرا ءوز مانسابىندا العاش رەت جەڭىلىس تاپتى.