سوت قارجى جىمقىرۋ جانە جەمقورلىق ءىسى بويىنشا ولاردى قاماۋعا الۋ وردەرىن بەردى، دەپ حابارلايدى قازاقپارات «روسبالت» - قا سىلتەمە جاساپ.
پەرۋدىڭ بۇرىنعى باسشىسى تەرگەۋ اياقتالعانعا دەيىن 18 اي قاماۋدا بولادى. تەرگەۋشىلەردىڭ دەرەگى بويىنشا، ۋمالا مەملەكەت باسشىسى بولعان كەزدە ۆەنەسۋەلا مەن برازيلياداعى كومپانيالاردان اقشا الىپ وتىرعان. العان قارجىنى ول سايلاۋالدى ناۋقان كەزىندە جۇمساعان. كۋاگەرلەردىڭ ايتۋىنشا، 2006 -جىلى پرەزيدەنتتىڭ وتباسى ۆەنەسۋەلا ەلشىلىگىنەن دوللارعا تولى ون كەلىلىك ەكى قاپ العان. ۋمالا مەن ونىڭ ايەلى سوت وتىرىسىنا قاتىسقان جوق. الايدا، سوت شەشىمى جاريالانعاننان كوپ ۇزاماي ولار بيلىككە ءوز ەرىكتەرىمەن بەرىلدى.