قازاقستان ونىمدەرى گرۋزيا نارىعىنا شىقتى
فورۋمنىڭ ناتيجەسىندە ءبىرقاتار ەكسپورتتىق كەلىسىمشارتتارعا قول قويۋ جوسپارلانۋدا، دەپ حابارلايدى قازاقپارات.
«گرۋزياعا قازاقستاندىق بالمۇزداقتى جەتكىزۋ تۋرالى كەلىسىمگە قول جەتكىزىلدى. باستاپقى كولەمى - ايىنا 4 جۇك كولىگى. بۇل وتاندىق وندىرۋشىگە جاقسى كەپىلدى تاپسىرىس بولىپ تابىلماق.
سونىمەن قاتار، گرۋزيالىق سۋپەرماركەتتەرگە بيوقاپتار جەتكىزىلمەك. كەلەسى جىلدان باستاپ، گرۋزيادا پوليەتيلەندى قاپتاردى وندىرۋگە جانە يمپورتتاۋعا تىيىم سالىنادى، سوندىقتان ءبىزدىڭ وندىرۋشىلەر ۇسىنعان ءونىم ساۋدا جەلىلەرى تاراپىنان ۇلكەن قىزىعۋشىلىق تۋدىرۋدا.
ايىنا ەڭ تومەنگى جەتكىزۋ كولەمى - 500 مىڭ بىرلىك»، - دەپ ءمالىم ەتتى «KAZAKH INVEST» ۇ ك» ا ق باسقارما ءتوراعاسى ماقسات قاباشەۆ.
اشىلىپ جاتقان ەكسپورتتىق مۇمكىندىكتەر وتاندىق تاۋار وندىرۋشىلەرگە ەۋروپالىق ارىپتەستەرمەن ىنتىماقتاستىقتى جوسپارلاۋعا مۇمكىندىك بەرەدى. ونىمدەردى كەيىننەن ەو ەلدەرىندە جۇزەگە اسىرۋ ءۇشىن ولاردى سەرتيفيكاتتاۋ بويىنشا جۇمىستار باستالدى.
«ءبىزدىڭ وندىرۋشىلەر ەۋروپالىق نارىققا شىعۋ ءۇشىن، سەرتيفيكاتتاۋدىڭ بارلىق كەزەڭدەرىن وتۋگە دايىن. قازاقستاندىق ونىمدەر گرۋزيادا جۇزەگە اسىرىلا باستادى جانە بولاشاقتا ەكسپورتتىق مۇمكىندىكتەردىڭ كەڭەيەتىنى قازىردىڭ وزىندە ايقىن. ەكسپورتتىق قولداۋ - «KAZAKH INVEST» كومپانياسى جۇمىسىنىڭ باعىتتارىنىڭ ءبىرى. ءبىزدىڭ باستى ماقساتىمىز - ەكسپورتقا باعىتتالعان وندىرىستەردى قۇرۋ ءۇشىن، قازاقستانعا شەتەلدىك ينۆەستيتسيالاردى تارتۋ»، - دەدى ماقسات قاباشەۆ.