ول سوڭعى كەزدەرى ءوزى تۋرالى ايتىلىپ جۇرگەن سىن سوزدەرگە قاتىستى ءوز پىكىرىن ايتىپ، NUR. KZ پورتالىنا ەكسكليۋزيۆتى سۇحبات بەردى.
اقتوبە قالاسىندا ادام قابىلداۋدى جالعاستىرىپ جۇرگەن ەربوسىن ۇكىلى تاقياسىن شەشكەن. بۇگىندە مس سايلاۋبەكتەي مالاقاي كيىپ جۇرگەن ۇكىلى بالا اقتوبەگە كەلىپ، ورىس تىلىندە سايراپ ءجۇر. ول «ەربوسىنعا جىن كىرگەن»، «الاياق بالا» دەۋشىلەردى كورە المايتىنداردىڭ اڭگىمەسى دەپ قارايتىنىن جاسىرعان جوق.
«مەن جاننا حانىمدى جاقسى بىلەمىن، پسيحولوگ مامان. مەنى كورشىلەرىم 4 جاسىمنان باستاپ بىلەدى. قيىندىقتى كورىپ وستىك. الىس تراسسادان سۋ تاسىپ ءىشىپ قينالدىق. كەيىن مەن اۋىرىپ قالدىم. ەمگە قانشاما اقشا كەتتى. كوپ ادامدار ەربوسىن جىندانىپ كەتتى دەپ ايتادى. ونداي ەشتەڭە بولعان جوق. تەك ءسىڭىرىم تارتىلىپ اۋىرىپ قالدىم»، - دەيدى ەربوسىن سەرىكبايەۆ.
ەمشى بالا ءوزىنىڭ جىندى ەمەس ەكەنىنە سەندىرۋگە تىرىسىپ، قۇران سۇرەلەرىن وقيمىن دەپ اقتالدى. ەگەر قالاسا 2 ميلليون تەڭگەمەن اتاقتى ءانشى بولىپ كەتە الاتىنىن دا ايتتى.
«ءوزىم ەم بارىسىندا 9 رەت «فاتيحا» سۇرەسىن، 6 رەت «ىقىلاس» سۇرەسىن وقيمىن. كىسىلەرگە دەم سالامىن. ءوزىمنىڭ قوسىمشا ەمدەرىمدى جاساپ، كىسىلەردى جاقسىلاپ جىبەرەمىن. جاننا حانىم بىزدەردىڭ سوزىمىزگە قاراي ايتىپ تۇر. ول بولماعان زاتتى ايتىپ تۇر. ەگەر مەن اتاققۇمار بولسام، 2 ميلليون تەڭگەگە ولەڭ جازعىزىپ الىپ، ءانشى بولىپ كەتەمىن. ولاي دا بولادى»، - دەيدى ەربوسىن.
«اقىلدى قۋ» اتانعان ەمشى بالا ءوزىنىڭ قابىلەتىن دالەلدەۋ ءۇشىن الەۋمەتتىك جەلىلەردى دە پايدالانىپ ءجۇر.
«مەن بالالار ۇيىنە كومەكتەسەمىن. بيىل مەشىتىمدى سالىپ ءبىتىردىم. قازىر اركىم ءوز ويلارىن اشىق ايتا الاتىن زامان. ايتا بەرسىن. مەن ەمدەۋدى ءارى قاراي جالعاستىرا بەرەمىن. قولدامايتىن ادامدار مەنى تومەندەتكىسى كەلەدى. مەن ولاردىڭ ايتقانىنا قاراماي، ەمىمدى ءارى قاراي جاسايمىن. مەن حالىقتىڭ دەنساۋلىعى ءۇشىن كۇرەسەتىن اداممىن. مەن قازىر جازىلعان ادامداردى ۆيدەوعا جازىپ الىپ، Instagram پاراقشامدا ءبولىسىپ وتىرامىن»، - دەيدى ەربوسىن سەرىكبايەۆ.