دەگەنمەن، باسقا اۋرۋ تۇرلەرى سەكىلدى ۇيقىسىزدىقتىڭ دا العاشقى بەلگىلەرى بولادى. ونى دەر كەزىندە اڭعارىپ، ونىمەن كۇرەسۋ - ءسىزدىڭ قولىڭىزدا.
ۇيقى نەگە ماڭىزدى؟
ۇيقىسىزدىق دەرتىنىڭ سالدارى قانداي؟ تەز شارشاۋ، ناشار كوڭىل- كۇي، تەرشەڭدىك، جۇرەك سوعىسىنىڭ جيىلەۋى، مازاسىزدىق، ەستە ساقتاۋ قابىلەتىنىڭ بۇزىلۋى ءارى جۇمىسقا قابىلەتتىلىكتىڭ ازايۋى سەكىلدى قيىندىقتاردىڭ تۋىنداۋىنا اكەلەدى.
امەريكالىق مەديتسينا اكادەمياسىنىڭ زەرتتەۋشىلەرى ۋاقىتىلى ۇيىقتاماۋ جۇرەك- قانتامىرلارىنىڭ اۋرۋىن قوزدىراتىنىن ايتادى.
قالاي تەز ۇيىقتاۋعا بولادى؟
كۇنى بويى قوزعالىستا ءجۇرىپ، شارشعانىمىزدى سەزەمىز. ءبىراق، قاتتى شارشاپ كەلىپ، كەرۋەرتكە جاتا سالىپ، ۇيقىعا كەتەمىن دەگەن وي - قاتەلىك. ويتكەنى، ءسىزدىڭ دەنەڭىز تولاسسىز قيمىل- قوزعالىستان سوڭ ۇيقىعا دايىن ەمەس. كەرىسىنشە، ءسىز وسىلاي جاساۋ ارقىلى ميىڭىز بەن تانىڭىزگە اۋىر كۇش سالاسىز. ۇيىقتاردان 1 ساعات بۇرىن بۇكىل جۇمىسىڭىزدى اياقتاپ، دەنەڭىزدى تىنىشتىق كۇيگە دايىنداڭىز. سوندا ۇيىقتاۋ الدەقايدا جەڭىل بولماق.
ۇيقىڭىز كەلمەسە، كەرۋەرتكە جاتپاڭىز
ءوزىڭىز ۇيىقتايتىن ۋاقىتتان بۇرىن توسەككە جاتۋ ناتيجەسىز جوسپار بولاتىنىن ەستەن شىعارماڭىز. اسىرەسە، وسى ۋاقىتتا كۇشىڭىز تاسىپ تۇرسا، توسەكتەن الشاق بولىڭىز. ويتكەنى، ميىڭىز دا، ءتانىڭىز دە «ۇيقى» رەجيمىنە اۋىسۋعا دارمەنسىز. جىلى دۋش نەمەسە ۆاننا قابىلداڭىز ءسىز بۇنى پايداسىز دەپ ەسەپتەۋىڭىز ابدەن مۇمكىن. دەگەنمەن، كۇندىزگى بەلسەندىلىكتەن سوڭ، بۇل پروتسەدۋرا دەنەڭىزدىڭ قىزۋىن ازايتادى. جۇرەك سوعىسىنىڭ باياۋلاۋى، استىڭ قورىتىلۋى سەكىلدى مەتابوليزم ۇردىستەرىنىڭ اسەرىنەن ۇيقى ءوزى- اق كەلەدى.
دۇرىس تىنىس الىپ ۇيرەنىڭىز
ۇيىقتار الىدىندا وزىمىزگە ىڭعايلى ورىن ىزدەپ توسەكتى اينالىپ شىعامىز. دەگەنمەن، ورىننان گورى دۇرىس تىنىس الۋدى ۇيرەنۋىڭىز قاجەت. دەم الىسىڭىز بەن دەمىڭىزدى شىعارۋدىڭ قۇرىلىسىن وزگەرتە وتىرىپ، جۇرەك سوعىسى مەن قان قىسىمىنىڭ جيىلىگىن وزگەرتە الاسىز. ماماندار، مۇرىن ارقىلى دەم الىپ، ونى 2-3 سەكۋند ىشتە ۇستاپ كەيىن اۋىز ارقىلى باياۋ شىعارۋدى ۇسىنادى.
ويىڭىزدى باسقارىڭىز
ساناڭىزدى تورلاپ العان مازاسىز ويلاردان قۇتىلۋ ءۇشىن زەيىنىڭىزدى ءبىر نارسەگە شوعىرلاندىرۋىڭىز كەرەك. ەڭ وڭايى، ۇزدىكسىز ساناڭىز. ياعني، ساناۋ بارىسىندا ويىڭىز ءبولىنىپ كەتپەۋىن قاداعالاڭىز. وسىلايشا، مازاڭىزدى العان ويلاردان قۇتىلاسىز. مەديتاتسيا نۇسقاسى قيىن ءادىستى ۇسىنادى. وزىڭىزگە ىڭعايلى ورىنعا جايعاسىپ، كوزىڭىزدى جۇمىڭىز. ەندى ءوزىڭىزدىڭ ساناڭىزداعى ەڭ باعالى ەستەلىكتى ەسىڭىزگە الىڭىز. باستىسى - سول ويلاردى ويلاۋ ارقىلى ءسىز ءوزىڭىزدى ەركىن ءارى قاۋىپسىز سەزىنەتىنىڭىز. بۇل ادىستەردىڭ اسەرى بولماسا، ۇيقىسىزدىق دەرتىنىڭ سالدارىن انىقتاڭىز. ەگەر ءوز بەتىڭىزبەن كۇرەسە الماساڭىز، دارىگەردىڭ كومەگىنە سۇيەنىڭىز.
Massaget.kz