ديماش ورىنداعان كەزەكتى ساۋندترەكتىڭ بەينەبايانى شىقتى - كەسكىن

استانا. قازاقپارات - قىتايدىڭ Tencent ۆيدەو-پورتالىندا قازاقستاندىق ءانشى ديماش قۇدايبەرگەننىڭ «Moonlight Blade» اتتى ونلاين- وينىنا جازعان ساۋندترەگىنىڭ بەينەبايانى جارىق كوردى، دەپ حابارلايدى قازاقپارات ءتىلشىسى.

«ۋاقىت- تەڭىز» (时光•沧海) ءانىنىڭ ارانجيروۆكاسىن «جاۋىزدىق مەكەنى» («وبيتەل زلا»)، «تيتانيك» جانە «جۇلدىزدار شايقاسى» («زۆەزدنىە ۆوينى») گولليۆۋد فيلمدەرىنىڭ ساۋندترەگىن جازعان مۋزىكانتتار جاسادى.

ايتا كەتەيىك، «Moonlight Bladە» - قىتايلىق Tencent كومپانياسىنىڭ 3D فورماتتاعى ونلاين ينتەرنەت- ويىنى. ويىن مازمۇنى قىتايلىق جازۋشى سيۋن ياۋحۋانىڭ شىعارمالار جەلىسىنىڭ ءتورتىنشى ءبولىمى نەگىزىندە قۇرالعان. ونلاين- ويىن 11 -شىلدە كۇنى تۇڭگى ساعات 12 دە ىسكە قوسىلدى.

ەسكە سالا كەتەيىك، ديماش قىتايداعى «Singer 2017» بايقاۋىنا قاتىسىپ، الەمدىك تانىمالدىلىققا يە بولعاننان كەيىن، قىتايلىق «Battle of Memories» جانە گولليۆۋدتىق «Power Rangers» فيلمدەرىنىڭ ساۋندترەگىن ورىنداعان بولاتىن.

اۆتور: مۇحتار قاليموللا ۇلى