ازامات قاناپيا: تىرناق استىنان كىر ىزدەمەي، قازاقشا دۋبلياجعا قولداۋ كورسەتەيىك
«Kinopark 4 Globus» كينوتەاترىندا ۇيىمداستىرىلعان كورسەتىلىمگە 100 دەن استام بالا قاتىستى. مۋلتفيلمدى تاماشالاعاننان كەيىن بالالارعا داستارحان جايىلىپ، ءتاتتى تاعامدار تاراتىلدى. «مەيىرىمدىلىك شۋاعى» اتتى قايىرىمدىلىق باعدارلاماسى بار. وسى باعدارلاما اياسىندا ءبىز «بولاشاق» ستيپەندياتتارى الماتى كاسىپكەرلەرىنىڭ قولداۋىمەن بالالار ءۇيىنىڭ تاربيەلەنۋشىلەرى مەن الەۋمەتتىك جاعدايى تومەن وتباسىنىڭ بالالارى ءۇشىن جىل بويى قايىرىمدىلىق، مادەني، ويىن- ساۋىقتىق شارالارىن ۇيىمداستىرامىز.
بۇگىن «اق ءۇمىت»، «دوم نادەجدى» بالالار ءۇيىنىڭ 100 دەن اسا تاربيەلەنۋشىسى بولدى»، - دەدى «بولاشاق» قاۋىمداستىعىنىڭ وكىلى نۇرسۇلتان ارىستانبايەۆ. ەسكە سالا كەتەيىك، «تاچكي 3» /«كولىكتەر 3» - قازاق تىلىنە دۋبلياج جاسالعان 20- فيلم. گولليۆۋد فيلمدەرىن قازاق تىلىنە دۋبلياج جاساۋ جوباسى دا وسى انيماتسيالىق فيلمنىڭ «كولىكتەر 2» تۇسىرىلىمىنەن باستالعان. وسى ورايدا، بۇگىنگى ءساتتى پايدالانىپ، اكتەر جانە ديكتور، الەمدەگى مەتر دۋبلياجىنىڭ ۇزدىك داۋىسىنىڭ يەگەرى ازامات قاناپيامەن سۇحباتتاستىق (Walt Disney ستۋدياسىنىڭ ديپلومى).
- ازامات، بۇگىنگى دۋبلياج سالاسىندا قانداي قيىندىقتار كەزدەسەدى؟
- ەشقانداي قيىندىق جوق. قازاقشا دۋبلياجدىڭ ساپاسى ناشار دەيتىندەر، ول «جەڭىلدىڭ استىمەن، اۋىردىڭ ۇستىمەن جۇرەتىن» ادامداردىڭ ءسوزى عوي. نەگىزىندە، قازاق ءتىلى - ەڭ باي تىلدەردىڭ ءبىرى. مىسالى، دۋبلياج بارىسىندا ءبىر بىرىنە ۇيلەستىرۋگە كەلگەندە ماعىناسىن جوعالتپاي، تولىققاندى اۋدارماسىن بەرۋ جاعىنان كەلگەندە قازاق تىلىندە قيىندىق جوق. ءبىزدىڭ ءتىلىمىزدىڭ بايلىعى وسى جەردە. قالعانى اكتەردىڭ شەبەرلىگىنە بايلانىستى. «مەنىڭ كەيىپكەرىم مەتردىڭ تۋعان جەرى وڭتۇستىك امەريكا جانە ول وڭتۇستىك اكسەنتپەن سويلەيدى. سوندىقتان، قازاق نۇسقاسىندا ءبىز دە وڭتۇستىك اكسەنت جاساۋدى شەشتىك.
- قازاق ءتىلدى كورەرمەن «قاساڭ اۋدارما دۋبلياج ساپاسىن تومەندەتەدى» دەگەن پىكىر ايتىپ قالىپ جاتادى...
- تىرناق استىنان كىر ىزدەگەندى قويىپ، قولداۋ كورسەتۋ كەرەك. قاساڭ، «كالكا» اۋدارماعا مەن دە قارسىمىن. ءوزى بۇل سالانى جەتىك بىلمەي، ديۆاندا وتىرىپ الىپ، پىكىر ايتقىشتار ودان دا كەلىپ وسىنداي جوباعا قولداۋ كورسەتسىن. «قازاق ءتىلى» دەپ شىرىلداپ جۇرگەنىمىزگە 25 جىل بولدى، ەندى قازاق تىلىندە سويلەپ جاتقانىمىزدا كەدەرگى جاساماي كەرىسىنشە، قولداۋ كورسەتۋ قاجەت. كەلىپ، بالا-شاعاسىمەن، بيلەت الىپ بولسا دا قولداۋ تانىتسا دەيمىز. ارمانىم شەت ەلدىڭ كاسسالىق فيلمدەرى مەن مۋلتفيلمدەرىن وسىلاي قازاقشالاپ وتىرۋ. بۇعان مەملەكەت تاراپىنان قولداۋ جوق. جوق دەپ قاراپ وتىرا بەرمەي، ءوز ازاماتتىق بورىشىمىز رەتىندە، ەلىمىزدىڭ بولاشاعى ءۇشىن اتسالىسقىمىز كەلەدى. مەنىڭ جەكە ستۋديام بار، ءتىپتى بولماسا سونىمەن دە ءوز ۇلەسىمدى قوسقىم كەلەدى.
- تىڭنان تۇرەن سالىپ، «گولليۆۋد» فيلمدەرىن قازاقشا سويلەتۋدى باستادىڭىزدار، قانداي قىزىقتى جاعدايلار بولدى؟
- دۋبلياج جاساعاندا مەن قورىقپادىم. مەن نەگىزى، «كولىكتەر 2» مۋلتفيلمىن دۋبلياجداعاندا باسىندا اگەنتتىڭ ءرولىن دىبىستاۋعا شاقىرىلعانمىن. ءبىراق، رەجيسسەر مەتردىڭ داۋسىن سالىپ كورۋدى ۇسىندى. قاراسام، مەتردىڭ ءتىسى اقسيىپ تۇرادى ەكەن. سوسىن ايتتىم، مىناداي ءتىسى بار ادامنىڭ ءتىلىنىڭ مۇكىسى بولادى، «س» ءارپىن ساقاۋ سويلەۋى كەرەك قوي دەپ، ءوزىمىز شەشىم قابىلداپ، ساقاۋ سويلەتىپ شىقتىق. كينو اۆتورلارىنا بۇل شەشىمىمىز ۇنادى. گولليۆۋدقا جىبەردىك، ولار قابىلدادى. سوسىن، «نە زات؟»، «ءولا» دەگەن سەكىلدى ديلەكتىلەردى قولداندىق. ادەمى شىقتى. دۋبلياجعا بارلىعى 30 دان اسا اكتەر قاتىستى. ءماتىننىڭ اۋدارماشىسى نۇرداۋلەت زاتيللا.
- ازامات، سۇحبات بەرگەنىڭىزگە راحمەت، ىسكە ساتتىلىك تىلەيمىز.
اۆتور: الماس مۇقاش ۇلى