قىتايداعى قانداستارىمىز «مەن قازاقپىن» مەگا- جوباسىنا جولداما الدى

استانا. قازاقپارات -ءداستۇرلى ءانشى- تەرمەشىلەر مەن كۇيشىلەردى انىقتايتىن «مەن قازاقپىن» مەگا- جوباسىنىڭ قىتايداعى ىرىكتەۋ كەزەڭىنىڭ جەڭىمپازدارى انىقتالدى.

8  - شىلدە كۇنى ءۇرىمجى قالاسىندا وتكەن ىرىكتەۋ جارىسىنا شىڭجاڭنىڭ تۇكپىر- تۇكپىرىنەن كەلگەن 22 ۇمىتكەر قاتىستى. ولاردىڭ اراسىنان قارا ءۇزىپ شىققان شاۋەشەك قالاسىنىڭ كۇيشىسى قانات بولات ۇلى، التاي ايماعىنان تەرمەشى جازيرا سارقىتبەك قىزى، تارباعاتاي ايماعىنان ءداستۇرلى ءانشى بايبولات نۇربولات ۇلى قازاقستاندا وتەتىن «مەن قازاقپىن» مەگا- جوباسىنا جولداما الدى. ولار باعدات ەستەمەس ۇلى، تولقىن ماقان ۇلى جانە حالىق ريزابەك ۇلى قاتارلى بەلگىلى ءانشى، كومپوزيتورلاردىڭ قازىلىق ەتۋىمەن ىرىكتەلىپ شىقتى.

قازىلار القاسىنىڭ مۇشەسى، كومپوزيتور باعدات ەستەمەس ۇلىنىڭ ايتۋىنشا بۇنداي ءىرى جوباعا قىتايداعى قازاق ونەرپازدارى العاش رەت رەسمي تۇردە ىرىكتەلىپ، جولدامامەن قاتىسقالى وتىر ەكەن.

- بىزگە اقپارات كەش جەتتى. ىرىكتەۋ بولاتىنىن بىرنەشە كۇننىڭ ىشىندە حابارلاندىرىپ، قىسىلتاياڭ ۋاقىتتا ۇيىمداستىردىق. سوعان قاراماستان قاتىسۋشىلاردى سايدىڭ تاسىنداي تاڭداپ الدىق دەپ ويلايمىن. ىرىكتەۋگە «قازاقستان» ۇلتتىق تەلەارناسىنىڭ باسشىسى ەرلان قارين مىرزا ءوزى كەلىپ قاتىستى. ەرلان تىنىمباي ۇلى ىرىكتەۋ كەزەڭىنىڭ ءوز ويلاعانىنان دا جوعارى دەڭگەيدە وتكەنىن ايتىپ، تەرمەشى، كۇيشىلەردىڭ ونەرىن ەرەكشە باعالادى، - دەيدى كومپوزيتور.

بىرنەشە كۇن بۇرىن «قازاقستان» ر ت ر ك» ا ق باسقارما ءتوراعاسى ەرلان قارين «مەن قازاقپىن» حالىقارالىق تەلەۆيزيالىق مەگا- جوباسىنىڭ ءداستۇرلى ءان- كۇي بايقاۋىنىڭ شەتەلدەردەگى ىرىكتەۋ تۋرلارى قىتاي حالىق رەسپۋبليكاسىنىڭ شىڭجاڭ ولكەسى، ءۇرىمجى قالاسىندا ءوتىپ جاتقانىن Facebook الەۋمەتتىك جەلىسى ارقىلى حابارلاپ، ۇلتتىق ونەردى حالىقارالىق دەڭگەيدە ناسيحاتتاۋعا مۇمكىندىك العانىن ايتقان بولاتىن.



- ءبىز جەرگىلىكتى بيلىكتىڭ رۇقساتىن الىپ، جەرگىلىكتى تەلەارنالارمەن كەلىستىك. بۇل وتاندىق تەلەۆيدەنيە ءۇشىن وتە ماڭىزدى وقيعا، سەبەبى ءبىز وسى ارقىلى كەڭ اۋديتورياعا شىعىپ، حالىقارالىق دەڭگەيدە ۇلتتىق ونەرىمىزدى ناسيحاتتاۋعا جول اشامىز، - دەگەن بولاتىن ەرلان تىنىمباي ۇلى جەلىدەگى جازباسىندا.

 ايتا كەتەيىك، اتادان بالاعا مۇرا بولىپ كەلە جاتقان ءتول ونەرىمىز جىر-تەرمە مەن كۇيدى ودان ءارى دامىتىپ، بۇگىنگى كۇن تالابىنا سايكەس جاڭاشالاندىرىپ، وسكەلەڭ ۇرپاققا ناسيحاتتاۋ ماقساتىندا وتەتىن ءىرى جوبانىڭ اقتىق كەزەڭى 10 - جەلتوقساندا استانا قالاسىندا وتەدى.

فوتو: ەرلان قاريننىڭ Facebook پاراقشاسىنان الىندى.

Baq.kz