اقشا كوبەيتۋدىڭ ءتورت تاپتىرماس ءتاسىلىن بىلەسىز بە؟

 استانا. قازاقپارات - كەز كەلگەن ادام اقشانى قالاي كوبەيتۋ تۋرالى ءجيى ويلانادى جانە اربىرىنە اقشا قانداي پرينتسيپكە جۇمىس ىستەيتىنى قىزىق.

وسى ورايدا اقشانى قالاي تابۋ، جيناۋ، كوبەيتۋ تۋرالى ماماندار ايتقان كەڭەستەردى ikerim.kz سايتى نازارلارىڭىزعا ۇسىنادى.

اقشامەن دۇرىس قارىم-قاتىناس قۇرىڭىز

كەدەيلەر- كەدەي، بايلار- باي بولىپ قالا بەرەدى دەپ ويلاپ، ول ءۇشىن توبەدەگىنى جازعىرۋدى قويىڭىز! بۇل مۇلدە جولى بولمايتىن ادامنىڭ ءسوزى. نەگىزى اقشانىڭ تابيعاتى بەيتاراپ. ءوزىڭىز يەلىك ەتەتىن اقشانىڭ كوبەيۋى وزىڭىزگە عانا تاۋەلدى. ءوز لەكسيكونىڭىزدان اقشا قاتىستى جاعىمسىز سوزدەردى ءوشىرىڭىز! تەك شىنايى جاقسى كورىڭىز، سول كەزدە ول ءسىزدىڭ سەزىمىڭىزگە جاۋاپ بەرەدى.

شىعىس كوپ بولعان سايىن، كىرىس تە كوبەيەدى

مىسالى ءبىز وسى جىلى 100 ءتۇپ كوشەت ەگىپ ونىڭ پايداسىن كورسەك، كەلەسى جىلى وتكەن جىلعىدان دا كوپتەۋ ەگەمىز. قايىرىمدىلىق جاساۋدان قورىقپاڭىز! اقشا اينالىمدا بولعان كەزدە عانا وزىنە ەنەرگيا جينايدى. مىسالى ەگەر ءسىز اقشا بەرسەڭىز عانا، الاسىز!

ءبىراق بۇل تەك قوسالقى امالدار عانا، باستىسى ءسىز قايىرىمدىلىقتان ماحاببات الاسىز. ءبىر رەت بولسىن جاقسى ىسكە اقشا بەرىپ كورىڭىز، سول كەزدە ىشىڭىزدەگى وزگەرىستى بايقايسىز! ال ول اقشا ەسەلەنىپ قايتىپ كەلەدى.

اقشا جۇمىس ىستەۋى كەرەك

 اقشا بوس جاتسا، ولار ءۇشىن بۇل قاتاڭ جازا بولىپ ەسەپتەلەدى ەكەن. اقشانىڭ قولدانىستا جۇرگەنى دۇرىس، وسىنى ەستەن شىعارماڭىز. ءبىراق ول اقشانى بارىپ جاراتا بەرۋ كەرەك دەگەن ەمەس. مىسالى دەپوزيتكە اقشا سالىپ قويىڭىز، ول «جاستىقتىڭ استىندا» جاتقاننان جاقسى.

زات ساتىپ العاندا، چەك الۋدى ۇمىتپاڭىز!

قانداي زات ساتىپ العانىڭىزعا قاراماستان، ۇنەمى چەك سۇراڭىز. اپتا سوڭىندا بارلىق چەكتەرىڭىزدىڭ سومماسىن ەسەپتەپ، اقشانىڭ قايدا كەتكەنىن ءبىلىڭىز. نەدەن ۇنەمدەۋ كەرەك ەكەنىڭىزدى باعامداڭىز. اقشانىڭ سۋ سياقتى اعىپ كەتۋىنە جول بەرمەڭىز!