استانادا قىتاي مەن ورتالىق ازيانى زەرتتەۋ ورتالىعى اشىلۋى مۇمكىن

بەيجىڭ- شانحاي. قازاقپارات- 4-5 شىلدە كۇندەرى «استانا» حالىقارالىق عىلىمي كەشەنىنىڭ دەلەگاتسياسى قازاقستاننىڭ قىتايداعى ەلشىلىگى مەن شانحاي قالاسىنداعى قازاقستاننىڭ باس كونسۋلدىعىنىڭ ىقپال ەتۋىمەن فۋدانس ۋنيۆەرسيتەتىنىڭ باسشىلارىمەن كەزدەستى، دەپ حابارلايدى قازاقپاراتتىڭ قىتايداعى مەنشىكتى ءتىلشىسى.

 تاراپتار 2016 -جىلى قازان ايىندا قول قويىلعان ءبىلىم جانە عىلىم سالاسىنداعى ىنتىماقتاستىق تۋرالى كەلىسىمدى ودان ءارى ىسكە اسىرۋ، سونداي- اق «استانا» حالىقارالىق عىلىمي كەشەن بازاسىندا قىتاي مەن ورتالىق ازيانى زەرتتەۋ ورتالىعىن قۇرۋ ماسەلەلەرىن تالقىلادى. سونداي- اق قازاقستاندىق دەلەگاتسيا شانحاي حالىقارالىق زەرتتەۋ اكادەمياسى جانە شانحاي قوعامدىق عىلىمدار اكادەمياسى باسشىلارىمەن كەزدەستى. كەزدەسۋدى ەكى جاقتى ءتيىمدى ىنتىماقتاستىق ماسەلەلەرى ءسوز بولدى.