بۇل نىساننىڭ سالىنۋى جايىندا ەلباسى نۇرسۇلتان نازاربايەۆ «ەۋرازيا جۇرەگىندە» دەپ اتالاتىن كىتابىندا بىلاي دەپ جازعان بولاتىن:
«قازاقستان» سپورت سارايىنىڭ تۇگەلىمەن مەتساناتتار قاراجاتىنا سالىنعانىن جانە وسىناۋ بىرەگەي قۇرىلىسقا 11 ميلليوننان استام دوللار جۇمسالعانىن ەسكە سالا وتەيىن. بۇل قاراجاتتار شيەۆرون، ەكسون- موبيل، يسپات- قارمەت، «قازاقستان ءاليۋمينييى»، اكسەسس ينداستريز، فيليپپ موريس، ەكە، پاركەر دريليگ سياقتى بەلگىلى فيرمالاردان، ءدوڭ مەن سوكولوۆ- سارىباي كەن بايىتۋ كومبيناتتارىنان، قازحورمنان جانە اقسۋ فەرروقورىتپا زاۋىتىنان ءتۇستى. مەنىڭ وتىنىشىمە دەر كەزىندە كوڭىل بولگەندەرى ءۇشىن بۇلاردىڭ بارشاسىنا ريزاشىلىعىمدى بىلدىرەمىن. وسى سپورت كەشەنىنىڭ تۇتاستاي وتاندىق ماتەريالداردان سالىنعانىن دا ەستە ۇستاعان ءجون. مۇنىڭ ەڭ ۇلكەن زالى 5 مىڭعا دەيىن كورەرمەندى سيعىزا الادى. وليمپيادالىق ستاندارتتاعى 1200 كورەرمەن زالى بار ءجۇزۋ باسسەينى دە وسىندا. باسقا دا كوپتەگەن دۇنيەلەرى بار. ءبىر سوزبەن ايتقاندا جاڭا استانانىڭ سپورت كەشەندەرى دە تالاپقا ساي دەڭگەيگە كوتەرىلدى. بۇگىندە جاڭا سپورتتىق قۇرىلىستار استانا تۇرعىندارى مەن قوناقتارىنىڭ ەڭ كوپ باراتىن سۇيىكتى ورىندارىنا اينالدى».
ايتا كەتەرلىگى، سپورت سارايىنىڭ جالپى اۋدانى 000 22شارشى مەتردەن استام. 4 ەتاجدى عيماراتتا 8 جولعا ارنالعان 50 مەترلىك باسسەين، 5000 كورەرمەنگە ارنالعان حوككەي مۇز ارەناسى، قوناقۇي، مەيرامحانا، كافە، بارلار ورنالاسقان. «قازاقستان» سپورت سارايىنىڭ نەگىزگى تۇستەرى مەتالليك جانە ۋلترامارين رەتىندە كەزدەيسوق تاڭدالماعان. بۇل سۋ مەن مۇزدى بىلدىرەدى. بۇل جوبا تازا ەكولوگيا كوزقاراسى تۇرعىسىنان وڭ جوبالاردىڭ ءبىرى بولدى. عيمارات ەنەرگيا ۇنەمدەۋدە دە بىرەگەي جوبا سانالادى. مۇز ايدىننىڭ سۋىتقىش ماشينالارىنان شىعارىلاتىن جىلۋ اۋاعا تارامايدى. ول جىلۋالماستىرعىشتار ارقىلى باسسەيندەگى سۋدى قىزدىرۋ ءۇشىن پايدالانىلادى. بۇل رەتتەگى ەكونوميكالىق تيىمدىلىك جىلىنا شامامەن 2,5 ميلليون تەڭگەنى قۇرايدى.
ءبىر شاتىردىڭ استىندا مۇز ايدىنى مەن باسسەيندى بىرىكتىرۋ - «قازاقستان» سپورت سارايىنىڭ باستى ەرەكشەلىگى سانالادى. عيماراتتا سپورتتىڭ كوپتەگەن تۇرلەرى بويىنشا جارىستار، مادەني- كوپشىلىك شارالاردى دا وتكىزۋگە بولادى.
فوتو: archvl.kz
اۆتور: مارلان جيەمباي