بۇل ءسات وسى جولمەن كەتىپ بارا جاتقان ءبىر ماشينانىڭ ۆيدەوتىركەگىشىنە ءتۇسىپ قالعان. نورفولكتە، دەرحەمنىڭ ماڭىندا ا47 تراسساسىمەن كەلە جاتقان راسسەل داگلەسس فۋرگون رۋلىندەگى ەر ادامنىڭ ەسىنەن تانعانىن كورىپ قالعان.
بەينەجازبادان ونىڭ باسقارۋسىز قالعان ماشيناسىنىڭ جىلدامدىعىن باسەڭدەتپەك بولىپ، رۋلگە ەتپەتتەي جابىسقانى كورىنىپ تۇر. ءوز ءومىرىن قاۋىپكە تىككەن داگلەسس بەيتانىس جاندى اجالدان اراشالاپ قالدى. وزگە اۆتوموبيلدەردەن دا ادامدار جۇگىرە شىعىپ كومەكتەستى. الگى ادامنىڭ اياق استىنان قىسىمى كوتەرىلىپ، ەسىنەن تانعانى انىقتالدى. ونىڭ باقىتىنا وراي كومەك قولىن سوزعان جانداردىڭ ىشىندە ءورت ءسوندىرۋشى مەن فەلدشەر بار بولىپ شىقتى. ولار العاشقى مەديتسينالىق جاردەم كورسەتتى.