يسەكەشەۆ ەلوردانىڭ سۇرىلگەن ەسكى ۇيلەرىنىڭ ورىندارىنا نە سالىناتىنىن ايتتى
بۇل تۋرالى «قالا د ن ك- سى: قوعامداستىق. بيزنەس. بيلىك» ءبىرىنشى ۋربانيستىك فورۋمىندا ەلوردا اكىمى اسەت يسەكەشەۆ ءمالىم ەتتى، دەپ حابارلايدى قازاقپارات.
«بۇگىندە ەلوردامىز قازاقستانداعى ساياسي، مادەني جانە ىسكەر قالالاردىڭ ءبىرى. الەم بويىنشا دا جاس، تەز دامىپ كەلە جاتقان استانالاردىڭ قاتارىندا. ەلباسى نۇرسۇلتان نازاربايەۆتىڭ تاپسىرماسى بويىنشا ءقازىر استانانى تابىستى، جاھاندىق قالاعا اينالدىرۋ بويىنشا جۇمىس جاساپ كەلەمىز»، - دەپ اتاپ ءوتتى فورۋمدى اشقان قالا باسشىسى. سونىمەن قاتار ول قالادا سۇرىلەتىن ەسكى ۇيلەردىڭ ورنىنا نە سالىناتىندىعىن ايتىپ بەردى.
«ءبىز ەسكى ۇيلەردى سۇرە باستادىق جانە قالالىقتاردان سول ورىنداردان نە كورگىلەرى كەلەتىندىگىن سۇراعان ەدىك. ادەتتە ول جەرلەرگە جاڭا ءۇي سالىناتىن. قالانىڭ ەسكى بولىگىنىڭ تۇرعىندارى شاعىن ساياباق، شاعىن گۇلباقتارى، بالالار الاڭدارى مەن سپورتتىق قۇرىلعىلاردىڭ بولعانىن قالايدى ەكەن. ءبىز اتالعان بارلىق قاجەتتىلىكتەردى توپتاستىراتىن قوعامدىق كەڭىستىكتەر قۇرا باستادىق»، - دەدى اسەت يسەكەشەۆ.
قالا باسشىسىنىڭ ايتۋىنشا، اعىمداعى جىلى سۇرىلگەن ەسكى ۇيلەردىڭ ورنىنا 19 ساياباق قۇرىلىسى باستالاتىن بولادى. ونىڭ 10 ىنىڭ قۇرىلىسىن وسى جىلى اياقتالماق. سەيفۋللين كوشەسىنىڭ باس باعىنداعى مەملەكەتتىك باعدارلاما ارقىلى سالىنعان ۇيلەردىڭ اۋلاسىنا سپورتتىق بالالار الاڭى سالىنعان. «اقبۇلاق وزەنىنىڭ بويىندا ۇلكەن شۇڭقىر بولعان ەدى. اعىمداعى جىلى ءبىز ونى جاۋىپ، ءاپ-ادەمى ساياباق جاسادىق. تۇرعىندار ريزا»، - دەدى ەلوردا اكىمى.