ا ق ش سولتۇستىك كورەياعا قارسى سانكسيا ەنگىزبەك

استانا. قازاقپارات - ا ق ش ۇكىمەتى تەك سولتۇستىك كورەياعا عانا ەمەس، وسى ەلمەن كاسىپ جۇرگىزەتىن بۇكىل مەملەكەتتەرگە قارسى سانكسيالار ەنگىزۋگە نيەتتى.

بۇل تۋرالى ا ق ش- تىڭ ب ۇ ۇ - داعى تۇراقتى وكىلى نيككي حەيلي مالىمدەگەن، دەپ حابارلايدى حابار 24 تەلەارناسى. بۇل رەتتە سانكسيالار ءتارتىبىن ساقتاۋدا ۇلكەن جاۋاپكەرشىلىك قىتايعا جۇكتەلىپ وتىر.

پحەنياننىڭ سىرتقى ساۋداسىنىڭ 90 پايىزى وسى ەلدىڭ ۇلەسىندە بولىپ تۇر. سونداي-اق نيككي حەيلي الداعى بىرنەشە كۇندە ا ق ش ب ۇ ۇ قاۋىپسىزدىك كەڭەسىنىڭ قاراۋىنا سولتۇستىك كورەيا بويىنشا جاڭا قارار ۇسىنۋعا دايىن ەكەنىن جاريالادى.

ەسكە سالا كەتسەك، سەيسەنبىدە رەسمي پحەنيان «حۆاسون-14» قۇرلىقارالىق بالليستيكالىق زىمىراننىڭ تۇڭعىش سىناعىن ءساتتى وتكىزگەنىن حابارلاعان بولاتىن.