ەلباسى ەلوردانى كوشىرۋ كەرەكتىگىنە ەشقاشان ءشۇبا كەلتىرمەگەنىن اتاپ ءوتتى.
«مەن كۇماندانسام، جاقتاستارىم ودان بەتەر كۇمانداناتىن ەدى، سوندا بۇدان ەشتەڭە شىقپاس ەدى. البەتتە، بۇل ماسەلەنى پارلامەنتتە كوتەرگەنىمدە، كۇماندانۋشىلار كوپ بولدى. باستاپقى دا مۇنى قالجىڭ دەپ تە ويلاعان ەدى. ولاردى سەرگىتەيىن دەپ ايتقان ءازىلىم دەپ قالدى»، - دەدى پرەزيدەنت.
«قالجىڭ ەمەس ەكەنىن تۇسىنگەندە: «داۋىس بەرەيىك، قاشان كوشىرگەنىمىز ءجون؟ كەم دەگەندە 40 جىل كەرەك، ول كەزدە ءبىز، دەپۋتاتتار، مۇندا بولمايمىز»، - دەدى. ءسويتىپ، داۋىسقا سالدى»، - دەپ جالعاستىردى نازاربايەۆ.
ەلباسى ايتىپ بەرگەندەي، 3,5 جىلدان سوڭ 1997 -جىلعى جەلتوقسان ايىنىڭ ايازدى كۇنى الگى دەپۋتاتتار چەموداندارىن ارقالاپ، استاناعا كەلدى.
«قازىر ەشكىمنىڭ كۇمانى جوق. قالا تولىعىمەن سالىندى، اكىمشىلىك ورتالىق بار، تۇرعىندار ءۇشىن بار جاعداي جاسالعان. الەمنىڭ ءتۇرلى مەيرامحاناسىن تابۋعا بولادى، سپورت كەشەندەرىنىڭ بارلىق ءتۇرى بار - وليمپيادا ويىندارىن وتكىزۋگە بولادى»، - دەيدى مەملەكەت باسشىسى.
ونىڭ ايتۋىنشا، قازىر استانا قازاقستاندىقتاردىڭ ماقتانىشى، قالاعا كەلگەن بارشا قوناقتاردى تامساندىرادى.