«قازاقستاندا 70 بۇركىتشى بولسا، ونىڭ 50 ى وڭتۇستىك قازاقستان وبلىسىنىڭ تۋماسى. رايىمبەك، ەڭبەكشىقازاق اۋداندارىنىڭ بۇركىتشىلەرى ەكسپو-2017 كورمەسىنە كەلگەن قوناقتاردى ونەرىمەن تاڭعالدىرماق» ، - دەدى الماتى وبلىسى اكىمىنىڭ ورىنباسارى جاقسىلىق ومار ورتالىق كوممۋنيكاتسيالار قىزمەتىندە وتكەن باسپا ءسوز ماجىلىسىندە.
جاقسىلىق وماردىڭ ايتۋىنشا، 8-9 - شىلدەدە ەلوردانىڭ «بارىس» ورتالىق ستاديونىندا وبلىستىڭ اۋىلشارۋاشىلىق جارمەڭكەسى وتەدى. 40 كاسىپورىن قاتىساتىن كورمەدە 4 توننا تابيعي تازا ءونىم قويىلادى. شىلدە ايىنىڭ 11-15ى ارالىعىندا الماتى وبلىسىنىڭ ونەر ۇجىمدارى مەن قولونەر شەبەرلەرىنىڭ ونەرىن تاماشالاۋعا بولادى.
« ەكسپو كورمەسىن تاماشالاۋعا الەمنىڭ تۇكپىر- تۇكپىرىنەن كەلگەن ميلليونداعان قوناق حالقىمىزدىڭ ونەرىمەن كەڭىنەن تانىسادى. اتاپ ايتساق، ب. ريموۆا اتىنداعى وبلىستىق دراما تەاترى، ءسۇيىنباي اتىنداعى وبلىستىق فيلارمونيا، «الاتاۋ اۋەندەرى» كونتسەرتتىك بىرلەستىگى، م. تىنىشپايەۆ اتىنداعى وبلىستىق تاريحي- ولكەتانۋ مۋزەيى، كوركەمسۋرەت گالەرەياسى مەن قولونەر شەبەرلەرى جاقسى دايىندالۋدا. الماتى وبلىسى مادەنيەت كۇندەرىنىڭ سالتاناتتى اشىلۋى «جەتىسۋ - جۇماق مەكەنىم» شاراسىمەن باستالادى. ال جابىلۋ ءراسىمى شىلدەنىڭ 15 ى امفيتەاتردا وتەدى. وبلىسىمىزدان مادەني شاراعا عانا 332 ونەرپاز قاتىسادى» ، - دەدى الماتى وبلىسى اكىمىنىڭ ورىنباسارى جاقسىلىق ومار.
Baq.kz