ءدىن ىستەرى مينيسترلىگىندە كادرلىق وزگەرىستەر بولدى

استانا. قازاقپارات - ءدىن ىستەرى كوميەتىنىڭ ءتوراعاسى مىندەتىن اتقارۋشى تاعايىندالدى، دەپ حابارلايدى مينيسترلىكتىڭ باسپا ءسوز قىزمەتى.

 ءدىن ىستەرى جانە ازاماتتىق قوعام ءمينيسترى ن. ەرمەكبايەۆتىڭ بۇيرىعىمەن ق ر ءدىن ىستەرى جانە ازاماتتىق قوعام مينيسترلىگىنىڭ ءدىن ىستەرى كوميتەتىنىڭ ءتوراعاسى مىندەتىن اتقارۋشى لاۋازىمىنا ونعاربايەۆ ەركىن انۋار ۇلى تاعايىندالدى.

ەركىن ءانۋار ۇلى مەملەكەتتىك ورگانداردا، عىلىمي- زەرتتەۋ ۇيىمدارىندا، جوعارى وقۋ ورىندارىندا ءتۇرلى لاۋازىمداردى يەلەندى. 2003 - 2007 -جىلدار ارالىعىندا ق ر ءبىلىم جانە عىلىم مينيسترلىگىنىڭ عىلىم كوميتەتىنىڭ ءتوراعاسى بولىپ قىزمەت اتقاردى. سونداي- اق، «پاراسات» ۇلتتىق عىلىمي- تەحنولوگيالىق حولدينگىنىڭ باسقارۋشى ديرەكتورى، «استانا» ۋنيۆەرسيتەتىنىڭ رەكتورى، ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ پرورەكتورى بولىپ جۇمىس ىستەدى. زاڭ عىلىمدارىنىڭ دوكتورى، «قۇرمەت» وردەنىمەن جانە «قازاقستان رەسپۋبليكاسىنىڭ ەڭبەك سىڭىرگەن قايراتكەرى» قۇرمەتتى اتاعىمەن ماراپاتتالعان.

سونىمەن قاتار، وقۋ دەمالىسىنان كەيىن ق ر ءدىن ىستەرى جانە ازاماتتىق قوعام مينيسترلىگىنىڭ ءدىن ىستەرى كوميتەتى ءتوراعاسىنىڭ ورىنباسارى ابەلدينوۆا ءاليا ساپابەك قىزى جۇمىسقا كىرىستى. ءاليا ساپابەك قىزى ق ر پرەزيدەنت اكىمشىلىگىنىڭ باسپا ءسوز قىزمەتىندە، ق ر اقپارات جانە كوممۋنيكاتسيالار مينيسترلىگىندە، ق ر مادەنيەت جانە سپورت مينيسترلىگىندە قىزمەت اتقاردى. 2015 - 2017 -جىلدار ارالىعىندا ق ر پرەزيدەنتى جانىنداعى مەملەكەتتىك باسقارۋ اكادەمياسىندا «مەملەكەتتىك جانە جەرگىلىكتى باسقارۋ» ماماندىعى بويىنشا ءبىلىم الدى.