ب ۇ ۇ باس حاتشىسى سولتۇستىك كورەيادان ارانداتۋشىلىقتى توقتاتۋدى تالاپ ەتتى

استانا. قازاقپارات - ب ۇ ۇ باس حاتشىسى انتونيۋ گۋتەرريش ك ح د ر- دىڭ سەيسەنبى كۇنى زىمىران ۇشىرعانىن سىنعا الىپ، ەلدىڭ باسشىلىعىنان ارانداتۋشىلىق ارەكەتتەردى توقتاتۋىن تالاپ ەتتى.

ول بۇل جولى سىنالعان قۇرلىقارالىق زىمىران بولۋى مۇمكىن ەكەندىگىن اتاپ ءوتىپ، پحەنياندى ەلدىڭ يادرولىق قارۋ مەن ونى جەتكىزۋ قۇرالدارىن شىعارۋعا تىيىم سالاتىن قاۋىپسىزدىك كەڭەسىنىڭ رەزوليۋتسياسىن ورىنداۋعا شاقىردى.

بۇل تۋرالى باس حاتشىنىڭ رەسمي وكىلى ستەفان ديۋجارريكتىڭ مالىمدەمەسىندە باياندالدى، دەپ حابارلايدى تاسس. «باس حاتشى 2017 -جىلدىڭ 4 -شىلدەسى كۇنى كورەي حالىق- دەموكراتيالىق رەسپۋبليكاسىنىڭ ۇشىرعان قۇرلىق ارالىق بالليستيكالىق زىمىرانىن قاتتى سىنعا الدى. بۇل ارەكەتتەر قاۋىپسىزدىك كەڭەسى رەزوليۋتسياسىنىڭ بۇزىلۋى بولىپ تابىلادى جانە جاعدايدى ودان ءارى ۋشىقتىرىپ جاتىر. ك ح د ر ارانداتۋشىلىق ارەكەتتەرىن توقتاتىپ، ءوزىنىڭ حالىقارالىق مىندەتتەرىن تولىقتاي ورىنداۋى ءتيىس»، - دەپ اتاپ ءوتتى مالىمدەمەدە.

سەيسەنبى كۇنى ك ح د ر ورتالىق تەلەۆيدەنيەسى "حۆانسون-14" قۇرلىق ارالىق بالليستيكالىق زىمىرانىن العاش رەت ءساتتى سىناقتان وتكىزگەنىن جاريا ەتتى. سولتۇستىك كورەيالىق تاراپتىڭ مالىمدەمەسىندە زىمىران ۇشىرىلىمىنىڭ بيىكتىگى 2802 شاقىرىمدى قۇرايدى دەلىنگەن.

سونداي-اق زىمىران 39 مينۋتتا 933 شاقىرىمدى ۇشىپ وتكەن.

ۇشىرۋ تۋرالى بۇيرىقتى ك ح د ر پرەزيدەنتى كيم چەن ىن بەرگەن. ول سونداي-اق سىناقتى ءوزى باقىلاعان.