پاۆلوداردا مىڭنان استام بالا ءبىر مەزەتتە استانا كۇنىنە وراي فلەشموب بيلەدى - كەسكىن

استانا. قازاقپارات - پاۆلوداردا مىڭنان استام بالاباقشا تاربيەلەنۋشىلەرى ءبىر ۋاقىتتا ەلوردا كۇنىنە وراي «تۋعان كۇنىڭمەن، استانا!» اتتى فلەشموب بيلەدى.

اۋقىمدى شارا ەستاي اتىنداعى مادەنيەت سارايىنىڭ الدىندا باستالدى دەپ حابارلايدى pavlodarnews.kz.

مۇندا 200 دەي ءبۇلدىرشىن ءبي بيلەدى. - فلەشموب ءار بالاباقشانىڭ سپورت الاڭدارىندا دا ءوتىپ جاتىر، - دەدى قالالىق ءبىلىم بەرۋ ءبولىمىنىڭ مەكتەپكە دەيىنگى سەكتورىنىڭ باس مامانى نۇرسۇلتان شاكىروۆ.

- مادەنيەت سارايىنىڭ الدىندا № 4, 17, 18, 38, 40, 51 بالاباقشا تاربيەلەنۋشىلەرى ءبي بيلەپ، اسپانعا شارلارىن ۇشىردى. مۇنداي شارا بىزدە ءبىرىنشى رەت وتكىزىلىپ جاتقان جوق. دەنساۋلىق كۇنىنە وراي پاۆلوداردا «سپورت - مەن - كوكتەم» اكسياسى شەڭبەرىندە ۇيىمداستىرىلعان فلەشموبتا ءبىر مەزەتتە بالاباقشانىڭ 1500 تاريەلەنۋشىسى مەن ولاردىڭ اتا- انالارى ءبي بيلەگەن بولاتىن. الداعى ۋاقىتتا دا ول جالعاسىن تابادى.



شارانىڭ باستى ماقساتى - ءوسىپ كەلە جاتقان ۇرپاقتىڭ بويىنا ازاماتتىق پاتريوتيزمدى قالىپتاستىرىپ، ەلىمىزدىڭ جەتكەن جەتىستىكتەرىنە دەگەن ماقتانىش سەزىمدەرىن دامىتۋ.