ەستەرىڭىزدە بولسا، تاسقىن تابىس ۇلى 2013 -جىلى جىجياڭ تەلەارناسى ۇيىمداستىرعان «قىتاي داۋىسى» تەلەجوباسىنىڭ ەكىنشى ماۋسىمىنا قاتىسقان بولاتىن. جارىس كەزىندە ول قازاقتىڭ «دۋدار- اي» ءانىن شىرقاپ، قىتايدىڭ ايگىلى انشىلەرىن اسەم داۋىسىمەن ءتانتى ەتكەن ەدى.
قىتاي مەكتەبىندە وقىپ، ۇرىمجىدەگى شىڭجاڭ ۋنيۆەرسيتەتىنىڭ ماتەماتيكا فاكۋلتەتىنەن ءبىلىم العان ول قازىرگى كەزدە وتباسىمەن بەيجىڭ قالاسىندا تۇرادى. ول كۇنى بۇگىنگە دەيىن ءوزىنىڭ ەڭ ۇلكەن جەڭىسىن ميللياردتار ەلىنىڭ ساحناسىندا قازاق ءانىن شىرقاۋى دەپ بىلەدى.
كەشە عانا ەكسپو-2017 كورمەسىندە وتكەن شاڭحاي اپتالىعىندا قىتاي دەلەگاتتارىنىڭ قاتارىندا كەلگەن تاسقىن شاڭحايدىڭ تانىمال ءانشىسى ليۋليانمەن بىرگە تاعى دا «دۋدار- اي» ءانىن شىرقادى.
ۆيدەو: ابزال قاليەۆ
مايگۇل سۇلتان
Baq.kz