استانادا الىپ كيىز ءۇي سالىنىپ جاتىر
دەپ حابارلايدى قازاقپارات ءتىلشىسى.
الىپ كيىز ءۇيدىڭ ىرگەسى پوددونداردان كوتەرىلىپ جاتىر. قۇرىلىستا ونداي پوددوندارمەن كىرپىشتەردى ءتۇيىپ، جوعارعى قاباتتارعا جەتكىزەدى. ال «Astana Art Fest» فەستيۆالىنىڭ قاتىسۋشىلارى قۇرىلىس سالاسىنىڭ وسى ءبىر ماتەريالىن كادەگە جاراتىپ، پروەكتسيالىق كينوتەاتردى قۇراستىرىپ شىعۋعا بەل بۋدى. جوسپار بويىنشا، الىپ كيىز ءۇيدىڭ توبەسى جابىلعاننان كەيىن توبەگە ۇلكەن پروەكتسيالىق ەكران ورناتىلادى. ال پاۆيلوننىڭ ىشىنە كىرگەن ادامدار جەرگە جاتىپ، فيلم كورە الادى.
«كونسترۋكتسيانىڭ جالپى سالماعى 40 توننادان اسادى. وعان شامامەن 1700 پوددون كەتەدى. نەگىزى، 6- شىلدەگە دەيىن ءبىتىرۋ كەرەك. قازىر ءبىز قاڭقاسىن كوتەرەمىز دە، ارتىمىزدان باسقا ءبىر كومپانيا كەلىپ، تەحنيكالىق قۇرال- جابدىقتاردى ورناتادى. استانا كۇنىنە دەيىن ۇلگەرەتىن شىعار»، - دەيدى قۇرىلىسشىلار.
ايتا كەتەيىك، جاڭا نىسان «نۇرلى جول» بۋلۆارى بويىمەن «كەرۋەن» ويىن- ساۋىق ساۋدا كەشەنىنىڭ جانىندا سالىنىپ جاتىر.
اۆتور: ارمان اسقاروۆ