«ۇلتتىق ەكونوميكا مينيسترلىگىنە، ورتالىق ءارى جەرگىلىكتى اتقارۋشى ورگاندارعا تۇتىنۋشىلار قۇقىقتارىن قورعاۋ ماسەلەسىندە قاتاڭ ۇستانىم بولۋى كەرەكتىگىن تاپسىرامىن. وتىرىس بارىسىندا حالىقتىڭ ءتيىستى دەڭگەيدە اقپاراتتاندىرىلماي وتىرعاندىعى كوتەرىلدى، سوندىقتان بۇل باعىتتاعى جۇمىستاردى بەلسەندىرەك ىسكە اسىرۋ قاجەت»، - دەپ جۇكتەدى ب. ساعىنتايەۆ. ۇكىمەت وتىرىسىندا ۇلتتىق ەكونوميكا ءمينيسترى تيمۋر سۇلەيمەنوۆ قازاقستاندىق تۇتىنۋشالار كوپ شاعىمداناتىن سالالاردى اتادى. بەلگىلى بولعانداي، 2016 -جىلدىڭ قورىتىندىسى بويىنشا مەملەكەتتىك ورگاندار تۇتىنۋشىلاردان تۇسكەن 23 مىڭنان استام ءوتىنىشتى قارادى. ولاردىڭ نىڭ ىشىندە ۇلتتىق بانككە - 56 پايىزى، ۇلتتىق ەكونوميكا مينيسترلىگىنە - 19 پايىزى، دەنساۋلىق ساقتاۋ مينيسترلىگىنە - 11 پايىزى، قارجى جانە ەنەرگەتيكا مينيسترلىكتەرىنە 3 پايىزدان تيەسىلى»، - دەپ توقتالدى مينيستر.
ونىڭ سوزىنە قاراعاندا، مەملەكەتتىك ورگاندار قاراستىرعان شاعىمدار ءمانىن ەسكەرە وتىرىپ، وندا وتىنىمدەردىڭ باسىم بولىگى قارىزداردى قايتا قارجىلاندىرۋ مەن بانك زايىمدارىنا قىزمەت كورسەتۋ ماسەلەلەرىنە قاتىستى كەندىگى بەلگىلى بولدى. دەنساۋلىق ساقتاۋدا ارىزدار نەگىزىنەن مەديتسينالىق قىزمەتتەردىڭ ساپاسى مەن ونىڭ دەر كەزىندە كورسەتىلۋىنە بايلانىستى بولىپ وتىر. ال ت ك ش باعىتىنداعى شاعىمدار تابيعي مونوپوليالار مەن قوعامدىق ماڭىزداعى نارىقتاردىڭ قىزمەتىنە باعا مەن تاريفتەردىڭ وسۋىنە، سونداي- اق پ ي ك- تەر مەن باسقارۋشى كومپانيالار قىزمەتىنىڭ ساپاسىنا قاتىستى. مۇنىمەن قوسا، بولشەك ساۋدادا قاداعالاۋ- كاسسالىق چەكتەردىڭ بەرىلمەۋى، تارازىدا كەم ولشەۋ، ساپا سەرتيفيكاتىنىڭ بولماۋى سەكىلدى كەمشىلىكتەر ورىن الىپ جاتىر.
اۆتور: رۋسلان عابباسوۆ