​ قازاقستاندىق تەننيسشى حانزادا ۋيليامنىڭ جۇبايىمەن كەزدەستى

استانا. قازاقپارات - قازاقستاندىق تەننيسشى الەكساندر بۋبليك (WTA رەيتينگىسىندە 135- ورىندا) «ۋيمبلدونداعى» جارىستى اياقتاپ، بەلگىلى تۇلعالارمەن كەزدەسىپ ۇلگەردى، دەپ حابارلايدى Sports.kz.

جاسى 20 داعى قازاقستاندىق سپورتشىعا كەمبريدجتىك گەرسوگ ۋيليامنىڭ جۇبايى كەيت ميددلتونمەن كەزدەسۋ ءساتى بۇيىردى. «كەيت ميددلتونمەن كەزدەسكەنىمە قۋانىشتىمىن. جىلى لەبىزدەرىنە راحمەت!»، - دەپ جازدى بۋبليك تۆيتتەردەگى پاراقشاسىندا.

الەكسانداردىڭ باستاپقىدا جەرەبە تاڭداۋدا جولى بولمادى - ەندي ماررەمەن (الەمنىڭ ءبىرىنشى راكەتكاسى) بولعان العاشقى اينالىم ماتچى ءۇش سەتتە دە بريتاندىق تەننيسشىنىڭ جەڭىسىمەن اياقتالدى - 6:1, 6:4, 6:2.

الايدا ويىننان كەيىن ەندي جاۋىن كەزىندەگى ءۇزىلىس ۋاقىتىندا قازاقستاندىق تەننيسشىمەن اڭگىمەلەسكەندىگىن جانە ول جايلى جاقسى اسەردە قالعاندىعىن ايتىپ، ونىڭ ەرەكشە دارىن يەسى ەكەندىگىن مويىنداعان.