قازاقستاندا قىتايدىڭ الدىڭعى قاتارلى اگروتەحنولوگياسىن كورسەتەتىن الاڭ اشىلادى

 استانا. قازاقپارات - قازاقستاندا قىتايدىڭ الدىڭعى قاتارلى اگروتەحنولوگياسىن كورسەتەتىن الاڭ اشىلادى.

بۇل جايىندا بۇگىن «جىبەك جولىنىڭ عىلىمي يننوۆاتسياسى جانە اۋىل شارۋاشىلىعى ءبىلىمى اليانسىنىڭ» 2- وتىرىسىندا ق ر اۋىل شارۋاشىلىعى ءبىرىنشى ۆيتسە- ءمينيسترى قايرات ايتۋعانوۆ ءمالىم ەتتى، دەپ حابارلايدى قازاقپارات.

«تاياۋدا عانا «ۇلتتىق اگرارلىق عىلىمي- ءبىلىم بەرۋ ورتالىعى» اكسيونەرلىك قوعامىمىز ق ح ر- دىڭ ەڭ ءىرى جوعارى تەحنولوگيالار ايماقتارىنىڭ بىرىمەن قازاقستان اۋماعىندا قىتايدىڭ الدىڭعى قاتارلى اگروتەحنولوگيالارىن كورسەتەتىن الاڭ قۇرۋ تۋرالى كەلىسىمگە قول قويدى» ، - دەدى ول. سونىمەن قاتار ءبىرىنشى ۆيتسە- مينيستر س. سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ قىتايلىق ارىپتەستەرىمەن ىنتىماقتاستىق ماسەلەلەرىنە دە توقتالدى.

 «قازاتۋ بازاسىندا ق ح ر- دىڭ عىلىمي ۇيىمدارىمەن جانە ۋنيۆەرسيتەتتەرىمەن بىرلەسكەن وتىرىستاردىڭ نەگىزگى بولىگى وتەدى. 2011 -جىلدان بەرى ۋنيۆەرسيتەت بىرلەسكەن جوبالار اياسىندا قىتايدان ينفراقۇرىلىمدى دامىتۋعا جانە كادرلىق قاماتماسىز ەتۋگە 500 ميلليون تەڭگەدەن استام مولشەردە ينۆەستيتسيا تارتتى. بوتانيكالىق باقتىڭ نەگىزى قالانىپ، اۋىل شارۋاشىلىعىن مەحانيكالاندىرۋ ورتالىعى قۇرىلدى. ەكى ەلدىڭ 80 نەن استام وقىتۋشىلارى ءوزارا تاعلىمدامادان ءوتتى. كۇنى كەشە عانا اقمولا وبلىسىنىڭ سەلينوگراد اۋدانىنداعى قازاتۋ- دىڭ دالالىق جۇمىستارعا ارنالعان كامپۋسىندا زاماناۋي سۋعارۋ قۇرىلعىسى ىسكە قوسىلدى. وسىلايشا، 30 گەكتار اۋماقتا قۇرعاق جاعدايدا كارتوپ ەگۋ تەحولوگياسى بويىنشا زاماناۋي ستاتسيونار قۇرۋ اياقتالدى» ، - دەدى قايرات ايتۋعانوۆ.

 

اۆتور: مارلان جيەمباي