تەك، حانافي عۇلامالارى اراسىنان يمام مۇحاممەد قاتتى اشىعان جىلقى ءسۇتىن ءىشۋ حارامعا جاقىن ماكرۋھ دەپ ەسەپتەگەن. (عۇلامانىڭ «قاتتى اشىعان جىلقى ءسۇتى» دەگەنى، سول ءبىزدىڭ قىمىزىمىز بولسا كەرەك) ، دەپ جازادى islam.kz.
دەگەنمەن، ۇلىق يمام ءابۋ حانيفا جانە يمام ءابۋ يۋسۋف بويىنشا اشىعان بولسا دا، جىلقى ءسۇتى ادال. ارينە، ماسايتاتىن ەرەكشەلىگى پايدا بولىپ، كوپ ىشكەن ادامدى ماس قىلىپ جاتسا، ونىڭ ۇكىمى بولەك. سەبەبى پايعامبارىمىز (س. ا. ۋ. ) : «ماس ەتۋشى ىشىمدىكتەردىڭ ءبارى حارام. كوپ ىشكەندە ماس ەتەتىننىڭ ازى دا حارام» ، - دەگەن.
ءبىراق، قىمىزدى قانشا ىشسە دە كىسىنى ماس قىلمايتىنى بەلگىلى. سوندىقتان دا، قىمىز ءىشۋدىڭ ءدىني تۇرعىدا ەشقانداي كۇناسى جوق دەۋگە نەگىز بار.
ال، قۇرامىنداعى اشۋ بارىسىندا وزدىگىنەن پايدا بولعان از مولشەردەگى سپيرت سىرتتان ادەيى قوسىلماعاندىقتان ءارى قانشا ىشسە دە ماسايتپايتىنداي از بولعاندىقتان نەگىزگە الىنبايدى. ويتكەنى، از كولەمدە وزدىگىنەن پايدا بولعان سپيرت اشىعان ايراندا دا، ءتىپتى اشىعان ناندا دا بار. ەڭ دۇرىسى - اللاعا ءمالىم!