پاپۋاستار يسلام ءدىنىن قابىلداپ، ادام سەنگىسىز وزگەرىستەردى باستان كەشىردى - فوتو

استانا. قازاقپارات - كوشپەلى ءومىر سالتىن ۇستاناتىن يندونەزيالىق تايپانىڭ بىرنەشە مۇشەسى جاقسى ومىردەن ءۇمىت ەتىپ، يسلام ءدىنىن قابىلدادى.

بۇل تۋرالى The Daily Mail حابارلايدى.

ورانگ ريمبا تايپاسىنىڭ وكىلدەرى تىلدەرىن كاليماعا كەلتىرگەننەن كەيىن اتى-جوندەرىن مۇسىلمانشا ەسىمگە اۋىستىردى. كوپ ۇزاماي جاڭا ءتولقۇجات الاتىن بولادى.

اتالعان تايپانىڭ بالالارى كۇن سايىن جينالىپ، قاسيەتتى قۇرانعا دەن قويىپ، اسىل ءدىنىمىزدىڭ نەگىزدەرىن زەردەلەپ ءجۇر. مەسەنات مۇسىلماندار تارتۋ ەتكەن ورامالدى باستارىنا تارتقان قىز بالالار مەن تاقيا كيگەن ۇل بالالار ءدارىس تىڭداپ ءجۇر.

ايتا كەتەيىك، يسلام ءدىنىن قابىلداعان تايپا مۇشەلەرى قاتتى وزگەرگەن.

ولار بۇرىن جارتىلاي جالاڭاش جۇرەتىن بولسا، قازىرگى ۋاقىتتا كوپشىلىك جينالعان جەرلەر مەن كوشەگە تولىق كيىنىپ شىعادى، بۇل - ءبىر، ەكىنشىدەن، گۋمانيتارلىق جانە قايىرىمدىلىق كومەك ءجيى كەلەدى مۇسىلماندار تاراپىنان.