ۇلان رىسقۇل: ءىنىسى اعاسىنىڭ جاعاسىنان الماعان حالىقپىز
09:12, 03 - شىلدە 2017
استانا. قازاقپارات - استانادا وتكەن «قازاقستان بارىسى-2017» تۋرنيرىندە كۇمىس جۇلدەنى قانجىعاسىنا بايلاعان ۇلان رىسقۇل جارىستان كەيىنگى اسەرىمەن ءبولىستى، دەپ حابارلايدى قازاقپارات ءتىلشىسى.
«نەگىزى بيىل ەكىنشى مارتە ۇتامىن عوي دەپ كەلگەنمىن. الايدا فينالدا ەلامان ىنىمە ۇتىلىپ قالدىم. ول مەنەن جوعارى دەڭگەيدە دايىندالىپ كەلىپتى. جولىم بولمادى. ءىنىمدى جەڭىسىمەن قۇتتىقتايمىن»، - دەدى ول.
سونداي-اق، ءىنىسى رۋسلان ابدىرازاقوۆپەن بولعان كەزدەسۋى جايىندا دا ايتىپ بەردى. «ءىنىسى اعاسىنىڭ جاعاسىنان الماعان حالىقپىز عوي. ارى قاراي كىم مىقتىنى وزدەرىڭىز ويلاي بەرىڭىزدەر»، - دەپ قىسقا قايىردى ول.
اۆتور: كۇنسۇلتان وتارباي