بەيجىڭدە قازاقستان پرەزيدەنتىنىڭ تاڭدامالى ەڭبەكتەر جيناعى قىتاي تىلىندە تانىستىرىلدى - فوتو

بەيجىڭ. قازاقپارات - قىتايداعى قازاقستان ەلشىلىگىندە قىتاي تىلىندەگى «قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ تاڭدامالى ەڭبەكتەر جيناعى» تانىستىرىلدى، دەپ حابارلايدى «قازاقپارات» ح ا ا- نىڭ قىتايداعى مەنشىكتى ءتىلشىسى.

كىتاپتى ق ر تۇڭعىش پرەزيدەنتى - ەلباسى كىتاپحاناسى، ق ح ر- داعى ق ر ەلشىلىگى قولداۋىمەن جانە «CNPC- قازاقستان» كومپانياسىنىڭ قارجىلىق قولداۋىمەن قىتايدىڭ جالپى عىلىمدار اكادەمياسىنىڭ رەسەي، شىعىس ەۋروپا جانە ورتالىق ازيا ينستيتۋتى (ر ش ە و ا ي) مەن «رىنمين» مەملەكەتتىك باسپاسى شىعاردى.

جيىندا ءسوز سويلەگەن ش. نۇرىشەۆ شاراعا كەلۋشىلەرگە تاۋەلسىز قازاقستاننىڭ دامۋى جانە قالىپتاسۋىنداعى نۇرسۇلتان نازاربايەۆتىڭ ءرولى تۋرالى ايتىپ بەردى. ديپلومات كىتاپپەن تانىسۋ قىتاي وقىرماندارىنا قازاقستان، ونىڭ كوشباسشىسى جانە ەلدىڭ ارى قاراي دامۋى جوسپارلارى تۋرالى كوبىرەك ناقتى اقپارات الۋعا مۇمكىندىك بەرەتىندىگىنە سەنىم ءبىلدىردى.

ق ح ر س ءى م- نىڭ ەۋروپا جانە ورتالىق ازيا ەلدەرى دەپارتامەنتىنىڭ ديرەكتورى سۋن لينجيان ءوز سوزىندە، قازاقستان مەن قىتايدىڭ اراسىنداعى ساياسي تۇسىنىستىكتىڭ جوعارى دەڭگەيىنە قول جەتكىزىلگەنىن اتاپ ءوتتى.

ول كوپتەگەن حالىقارالىق ماسەلەلەر بويىنشا سۇراقتاردا ءوزارا قولداۋدا جانە تىعىز جان-جاقتى ستراتەگيالىق سەرىكتەستىكتە ايقىن بايقالادى. «رىنمين» مەملەكەتتىك باسپاسى ديرەكتورىنىڭ ورىنباسارى لي چۋنشىن ءوز سوزىندە، ق ح ر ءتوراعاسى شي جينپيڭنىڭ قازاقستانعا ساپارى بارىسىندا وسى جيناققا قولتاڭبا قويىپ، ونى ن. نازاربايەۆقا سىيلاعاندىعىن ءمالىم ەتتى.

جيناق قازاقستان پرەزيدەنتىنىڭ باستى باستامالارى مەن باياندامالارىنىڭ قىتاي تىلىندەگى بارىنشا تولىق جيناعى. ول التى تاراۋدان تۇرادى.

تانىستىرىلىمعا قىتايداعى قازاقستان ەلشىسى شاحرات نۇرىشەۆ، ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتى ديرەكتورىنىڭ ورىنباسارى سانات كوشكىمبايەۆ، «قازاقپارات» ح ا ا- نىڭ باس ديرەكتورى اسقار وماروۆ، «اسكەري- ستراتەگيالىق زەرتتەۋلەر ورتالىعى» ا ق- نىڭ ۆيتسە-پرەزيدەنتى رافيك تايىروۆ، ق ح ر س ءى م- نىڭ ەۋروپا جانە ورتالىق ازيا ەلدەرى دەپارتامەنتىنىڭ ديرەكتورى سۋن لينجيان، ر ش ە و ا ي ديرەكتورى لي يۋنشيۋان، «رىنمين» مەملەكەتتىك باسپاسى ديرەكتورىنىڭ ورىنباسارى لي چۋنشىن، رەسەي، تاجىكستان، تۇرىكمەنستان، گرۋزيا، ارمەنيا، قىرعىزستان ەلشىلەرى، وزبەكستان مەن مولدوۆا ديپلوماتتارى، قازاقستان مەن قىتايدىڭ زەرتتەۋ ورتالىقتارىنىڭ، ق ح ر- داعى ءىرى باسپالاردىڭ عالىمدارى مەن ساراپشىلارى، قازاق دياسپوراسىنىڭ جانە ستۋدەنت جاستارىنىڭ وكىلدەرى قاتىستى.