ەكى جاقتىڭ تۋىستارى ءبىر- بىرلەرىنە سىيلىق جاساپ، قۇدا ءتۇسۋ جورالعىلارىن جاساپ بولعان ەدى. الايدا كۇيەۋ جىگىت قالىڭدىعىنىڭ جانۇياسىن قارسى الار ۋاقىتتا ديدجەيدىڭ قويعان انىنە شىداي الماي، جەرگە جاتا قالعان. بۇل ازداي ءوزىن جىلان سەزىنىپ، ىسىلداپ، جەردە شىر كوبەلەك اينالىپ بيلەي كەتكەن. ال كۇيەۋ جىگىتتىڭ جاقىن دوسى ونىڭ بۇل ونەرىن قىزىق كورىپ، ۇستىنە اقشا شاشا باستاپتى.
تانىستارىنىڭ ايتۋىنشا، كۇيەۋ جىگىت اشى سۋعا تويىپ العان كورىنەدى. نەگىزىنەن ءۇندى تويلارىندا بۇل بي تانىمال، دەسە دە كۇيەۋ جىگىت ونىڭ ورىنداۋ ماقامىن تىم اسىرەلەپ جىبەرگەن. مۇندايدى كورمەگەن قالىڭدىق بولاشاق جۇبايىنىڭ ارەكەتىنەن نامىستانىپ، ۇيلەنۋ تويىن وتكىزۋدەن باس تارتقان. كۇيەۋ جىگىتتىڭ وتباسى كەلىندەرىن رايىنان قايتارۋعا تىرىسقانىمەن، بۇل ءىس ناتيجەسىز بولعان. سالدارىنان جاعداي ۋشىعىپ، توي ءوتىپ جاتقان جەرگە پوليتسەيلەر كەلىپ جەتكەن. قالىڭدىقتىڭ اكەسى قىزىن قولدايتىندىعىن بىلدىرگەننەن كەيىن كۇيەۋ جىگىت تاراپى ۇيلەرىنە تارقاستى. ال قالىڭدىق بولسا ەرتەسى كۇنى قۇدا ءتۇسۋ ارقىلى باسقا ءبىر جىگىتپەن شاڭىراق كوتەردى.
www.24.kz