1 - شىلدەدە ەسىلدىڭ جاعاسىنداعى 15 جەكە كاسىپكەرگە جاڭا فورمالارى تابىستالدى. قالالىق كاسىپكەرلىك جانە ونەركاسىپ باسقارماسى مەن «سارى ارقا» ا ك ك وكىلدەرىنىڭ ايتۋىنشا، جىل سوڭىنا دەيىن قالادا اتالمىش باعدارلاما اياسىندا جۇمىس ىستەپ جاتقان جەكە كاسىپكەرلەردىڭ بارلىعى ءبىرىڭعاي فورماعا كوشەدى.
جوبا جەتەكشىلەرى ءبىرىڭعاي فورمانىڭ بىرنەشە ەرەكشەلىگىن اتاپ بەردى. ول بىرىنشىدەن، اشىق سارى جانە قارا ءتۇستى. سونداي- اق وعان «كوشە ساۋداسى - 1000 ورىن» باعدارلاماسىنىڭ لوگوتيپى بەلگىلەنگەن. وعان قوسا 100 پايىز وتاندىق ءونىم. ەڭ باستىسى ەندى تۇتىنۋشىلار اتالعان فورماعا قاراپ زاڭ اياسىندا جۇمىس ىستەپ جاتقان جەكە كاسىپكەرلەر مەن رۇقساتسىز ساۋداگەرلەردى اجىراتا الاتىن بولادى.
«ءبىرىڭعاي فورما كاسىپكەرلەردىڭ ءوز ۇسىنىستارىنىڭ جەتىستىگى. استاناداعى كاسىپكەرلىك پەن قىزمەت ساپاسىن ارتتىرۋ ماقساتىندا قولعا الىنعان باستاما. بۇگىن ەسىل وزەنىنىڭ جاعاسىندا جۇمىس ىستەيتىن كاسىپكەرلەرگە جاڭا فورمالارىن تابىستادىق. الداعى ۋاقىتتا كەزەڭ- كەزەڭمەن «كوشە ساۋداسى 1000 ورىن باعدارلاماسى» شەڭبەرىندە جۇمىس ىستەيتىن قالانىڭ بارلىق كاسىپكەرلەرىن جاڭا فورماعا كوشىرەمىز»، - دەدى جوبا جەتەكشىسى ساكەن ادىلبەكوۆ.