گوللانديالىق قازاق فۋتبولشى مۇرات ءونال ۇيلەندى

استانا. قازاقپارات - گوللانديالىق قازاق فۋتبولشى مۇرات ءونال ۇيلەندى. بۇل تۋرالى پروديۋسەر نۇرماحان مۇقان ۇلى فەيسبۋكتەگى پاراقشاسىندا جازدى.

«دوسىم مۇرات ءونال ۇيلەندى! گوللانديادا قازاقتار تويلاتىپ جاتىر. ناعىز international تويدا ءبىرىنشى رەت بولۋىم!»، دەپ جازدى نۇرماحان مۇقان ۇلى.

 ەسكە سالا كەتسەك، مۇرات ءونال 1987 -جىلى تۇركيادا دۇنيەگە كەلگەن. امستەردامدا تۇردى. «اياكس» فۋتبول مەكتەبىنىڭ تۇلەگى. بۇرىن بەلگيا، گوللانديا جانە فينليانديا كلۋبتارىنىڭ ساپىندا ويناعان مۇرات قازاقستان فۋتبولىنا قوسىلعان شەتەلدەن كەلگەن العاشقى قازاق. ول 2014-2015 -جىلدارى قازاقستاننىڭ فۋتبولدان ءبىرىنشى ليگاسىندا شىمكەنتتىك «قىران» كومانداسىندا ەكى ماۋسىم وينادى. كەيىننەن گوللانديا كەرى قايتىپ، توپكلاسس ديۆيزيونىنداعى كوماندالاردىڭ ءبىرى «ليسسەگە» اۋىستى. فۋتبولداعى پوزيتسياسى جارتىلاي قورعاۋشى بولعانىمەن، شابۋىلدا دا جاقسى وينايدى.

 شىمكەنتكە كەلگەن بەتىندە فۋتبولشى جۋرناليستتەرگە: «قازاق قىزىنا ۇيلەنگىم كەلەدى، ءبىراق فۋتبول دا ماڭىزدى. سوندىقتان ءۇي بولۋ ماسەلەسى مەن سپورتتى قاتار الىپ جۇرەمىن» دەپ ءمالىم ەتكەن بولاتىن.

اۆتور: جانىبەك امانگەلدى