قازاقستانداعى ەڭ قىمبات فۋتبولشى كىم؟

 استانا. قازاقپارات - ەلوردالىق «استانا» فۋتبول كلۋبىنا بۇگىن عانا اۋىسقان حورۆاتيالىق جارتىلاي قورعاۋشى مارين توماسوۆ ەل بىرىنشىلىگىندەگى ەڭ قىمبات ەكىنشى فۋتبولشى اتاندى.

حورۆاتيا بىرىنشىلىگىنىڭ 2015/2016 ماۋسىمىنداعى ەڭ ۇزدىك فۋتبولشىسىنىڭ transfermarkt.de پورتالى ۇسىنعان مالىمەتى بويىنشا نارىقتاعى قۇنى ەكى ميلليون ەۋروعا باعالانىپ وتىر. وسىلاي ول ەلىمىزدەگى ەڭ قىمبات فۋتبولشىلار تىزىمىندە روحار كانياسپەن ەكىنشى ورىندى ءبولىسىپ وتىر.

ەلىمىزدەگى ەڭ قىمبات فۋتبولشىلاردىڭ كوشىن «قايراتتىڭ» شابۋىلشىسى جەرار گوۋ باستاپ تۇر. يۆۋارلىق شابۋىلشى فۋتبول نارىعىندا 2,5 ميلليون ەۋروعا باعالانىپ وتىر.

 ءۇشىنشى ورىندا "«ورداباسىنىڭ» ارگەنتينالىق قورعاۋشىسى پابلو فونتانەللو جايعاسقان. ونىڭ باعاسى - 1,8 ميلليون ەۋرو.

Vesti.kz