قازاق كۇرەسىنەن «قازاقستان بارىسىنا» قاتىساتىن ەڭ اۋىر بالۋان كىم؟
ەكسپو جانىنداعى «Mega Silk Way» ويىن-ساۋىق ورتالىعىندا وتكەن سالتاناتتى سالماق ولشەۋ راسىمىندە اقتاۋلىق كەنجەبەك كۇزەمبايەۆتىڭ سالماعى ەڭ اۋىر بولىپ شىقتى. ونىڭ سالماعى - 145,800 كەلى. ەكىنشى ساتىدا ەلامان ەرعاليەۆ. ونىڭ تارازىداعى كورسەتكىشى - 141,600 كەلى. ال، 2013-جىلعى «قازاقستان بارىسى» اتانعان شىعىس قازاقستاندىق بالۋان ايبەك نۇعىماروۆ اۋىر بالۋانداردىڭ «ۇزدىك» ۇشتىگىن تۇيىندەدى. ونىڭ سالماعى - 136,500 كەلى.
ايتا كەتەيىك، «قازاقستان بارىسى» فينالىنا ەلىمىزدىڭ 14 وبلىسى، الماتى مەن استانا قالالارى جانە اسكەريلەر اراسىندا ىرىكتەۋدەن ۇزدىك شىققاندار قاتىسادى. «قازاقستان بارىسى» تۋرنيرىنىڭ فينالى 2- شىلدە كۇنى ساعات 12:00 دە استانا قالاسىنداعى «بارىس ارەنا» مۇز سارايىندا وتكىزىلەدى. قازاقستان اۋماعىندا «قازاقستان بارىسى» تۋرنيرىنىڭ رەسمي باس حابار تاراتۋشىسى «قازاقستان» جانە «قازسپورت» تەلەارناسىنان تىكەلەي ەفيردە كورسەتەدى.
اۆتور: كۇنسۇلتان وتارباي