مىرزاتاي جولداسبەكوۆ تۋرالى دەرەكتى فيلمنىڭ تۇساۋى كەسىلەدى

استانا. قازاقپارات - 4 - شىلدە كۇنى «دۋمان» قوناقۇيىنىڭ كينوزالىندا مەملەكەت جانە قوعام قايراتكەرى مىرزاتاي جولداسبەكوۆتىڭ ومىرىنە ارنالعان «دۇنيە، شىركىن» دەرەكتى فيلمىنىڭ تۇساۋكەسەرى وتەدى، دەپ حابارلايدى قازاقپارات.

 مىرزاتاي جولداسبەكوۆ - مەملەكەت جانە قوعام قايراتكەرى، فيلولوگيا عىلىمدارىنىڭ دوكتورى، جازۋشى، تانىمال تۇركولوگ، قازاقستاننىڭ ءبىلىم، عىلىم جانە مادەنيەت سالالارىنىڭ ءىرى ۇيىمداستىرۋشىسى، ءبىرقاتار ۋنيۆەرسيتەتتىڭ قۇرمەتتى پروفەسسورى، ق ر توتەنشە جانە وكىلەتتى ەلشىسى ديپلوماتيالىق شەنى بار.

 تۇركولوگيا سالاسىنداعى جوعارى جەتىستىكتەرى ءۇشىن 2004 -جىلى كۇلتەگىن سىيلىعىن يەلەندى. مەملەكەت الدىنداعى زور ەڭبەگى ءۇشىن «حالىقتار دوستىعى»، «قۇرمەت»، «پاراسات»، «بارىس» وردەندەرىمەن جانە بىرنەشە مەدالمەن ماراپاتتالعان.

«دۇنيە، شىركىن»، «توتىقۇس» جانە باسقا دا اندەر مەن كۇيلەردىڭ اۆتورى.

فيلمنىڭ اۆتورى ءارى رەجيسسەرى - ءىلياس ىسقاقوۆ. «دۇنيە، شىركىن» فيلمىن «قازتەلەفيلم» تاۋەلسىز پروديۋسەرلىك ورتالىعى» ج ش س تۇسىرگەن.

اۆتور: مارلان جيەمباي