برازيليالىق تورەشى ماتچ كەزىندە ءوزىن ۇرعان فۋتبولشىعا تاپانشا كەزەدى - كەسكىن
12:02, 30 - ماۋسىم 2017
استانا. قازاقپارات - برازيليالىق تورەشى كاميلو ەۋسكياو اۋەسقوي كوماندالار ماتچىندا ءوزىن ۇرعان فۋتبولشىنى تاپانشاسىن پايدالانىپ ۇستاماق بولعان.
وقيعا بەينەلەنگەن ۆيدەوتاسپا Sportdude تىڭ YouTube-ارناسىندا پايدا بولدى. پوليتسەي بولىپ جۇمىس ىستەيتىن تورەشى بەتىنەن سالىپ جىبەرگەن ويىنشىنى جازالاماقشى بولعان. الايدا، قاتتى ىزالانعان ەۋساكيو بۇل ويىن جۇزەگە اسىرا المادى.
ال الاڭعا تاپانشاسىن الىپ قايتا ورالعان كەزدە، ونى كورىپ زىمىراي قاشقان فۋتبولشى ستاديوننان شىعىپ تا ۇلگەرگەن. تورەشىنى كومەكشىلەرى تىنىشتاندىردى.