ونىڭ «كىشكەنتاي حانزاداسى» - ماحابباتتىڭ، دوستىق پەن ادالدىقتىڭ سيمۆولى. اۆتور (بايانداۋشى) ءوزىنىڭ حيكاياسىن اناكوندا جۇتقان ءپىلدىڭ سۋرەتىن سالىپ، ۇلكەندەردىڭ سىنىنا قالعانى تۋرالى اڭگىمەسىنەن باستايدى. قالاي ويلايسىز، ەسەيگەن سايىن قيال مەن ويدىڭ قۇشاعىنا ەنۋدەن گورى تەك كوز الدىمىزداعى نارسەنى عانا كورۋگە قۇمارتاتىنىمىز نەدەن؟ مىنە، اۆتور دا وسىنى سۇراعىسى كەلگەندەي.
وقيعا جەلىسى ۇشقىشتىڭ ەرىكسىز افريكاداعى ساحارا شولىنە قونۋىنان باستالادى. ءشول دالادا كىشكەنتاي حانزادانى كەزدەستىرەدى. حانزادا قانداي كەيىپكەر؟ سۇراعى تاۋسىلمايتىن، قايتالاۋدان شارشامايتىن، ءارى سۇراققا ۇنسىزدىكپەن جاۋاپ بەرەتىن بالا. ول نەلىكتەن ەرەكشە؟ ءسىز ۇمىت قالدىرعان بالالىق شاعىڭىزدىڭ ايناسى، ءسىز بالا كەزدە ويلاماعان، كەيىن ەسەيگەن شاقتا ويلاپ، جاۋاپ تابا الماعان سۇراقتاردىڭ جاۋابى. « ءار ادامنىڭ وزىنە تيەسىلى جۇلدىزى بار» ، - دەيدى كىشكەنتاي حانزادا. كوپ ءجۇلدىزدىڭ ىشىندەگى شوق جۇلدىز بولعانىن ءۇشىن راقمەت، انتۋان دە سەنت- ەكزيۋپەري!
Massaget.kz