تايلاند كاسىپكەرلەرى قازاقستان نارىعىنا شىقپاقشى - فوتو

الماتى. قازاقپارات - الماتىدا قازاقستان مەن تايلاند كورولدىگىنىڭ ىنتىماقتاستىعى تۋرالى بيزنەس فورۋم ءوتتى، دەپ حابارلايدى قازاقپارات ءتىلشىسى.

وسى ماقساتتا تاي ەلىنەن 16 كومپانيا وكىلى كەلدى. شەتەلدىك دەلەگاتسيانى ەلشىلىكتىڭ كوممەرتسيالىق ءمينيسترى كيتتيناند ىينگچاروەن باستاپ كەلدى.

«قازاقستان نارىعى بىزدەر ءۇشىن تاڭسىق بولىپ وتىر. ءبىراق، نارىقتىق قاتىناستى دامىتۋ ءۇشىن ءبىرقاتار كەدەرگىلەر بار. بىرىنشىدەن، تاي ەلىندە قازاقستاندى كوپ ادام بىلمەيدى. قازاقستان حالقى تەرريتورياسىمەن سالىستىرعاندا وتە از. ساتىپ الۋ مۇمكىنىگى از. تاۋاردى تاسىمالداۋ ءۇشىن تەڭىز پورتى جوق. ءبىراق سوندا دا ءوزارا قاتىناستى دامىتۋعا تىرىسىپ جاتىرمىز. قازىر تاۋاردى رەسەي مەن قىتاي ارقىلى جەتكىزۋدەمىز. ءبىراق بۇل وتە قىمباتقا سوعىپ وتىر. قازاقستاننىڭ الەۋەتىن جوعار باعالاپ وتىرمىز»، - دەدى ىينگچاروەن.

مامانداردىڭ ايتۋىنشا، تاي ونىمدەرىنە دەگەن سۇرانىس جىلدان جىلعا ارتىپ كەلەدى. «الماتىدا تاي كاسىپكەرلىك ورتالىعى بار. 3 جىلدان بەرى جۇمىس ىستەپ كەلەدى. قازقستاندىقتار اقش، رەسەي، قىتاي ونىمدەرىنە ۇيرەنىپ قالعان. تاي ونىمدەرى ولار ءۇشىن تاڭسىق. ءبىراق ساپاسىن كورگەندەر ءبىزدىڭ ونىمدەردى باعالايتىنى راس»، - دەدى «Perfect Kazakhztan» كومپانياسىنىڭ ايماقتىق مەنەدجەرى ەرجان باعاسوۆ.

ايتا كەتۋ كەرەك، فورۋمدى «اتامەكەن» ۇ ك پ مەن قالالىق كاسىپكەرلەر پالاتاسى ۇيىمداستىرىپ وتىر.

اۆتور: گۇلميرا عوسمان-ءالي