بۇل تۋرالى «ايەل باقىتى» باعدارلاماسىندا ايتىلدى.
«تەڭ- تەڭىمەن، تەزەك قابىمەن» دەگەن كەزدە ءۇش اسپەكتىنى قاراۋىمىز كەرەك. ەڭ باستىسى - قورشاعان ورتا. ورتا دەپ ءبىز ءبىرىنشى كەزەكتە جانۇيانى ايتامىز. ءاربىر جانۇيانىڭ وزىندىك ەرەجەسى مەن داستۇرلەرى بولادى. مۇنىمەن قاتار، ادامنىڭ تولىق نەمەسە تولىق ەمەس وتباسىندا تاربيەلەنۋى ۇلكەن ءرول وينايدى. ءبىراق، تولىق ەمەس وتباسىنى ەشۋاقىتتا كەمسىتۋگە بولمايدى. ەرتەڭ وتباسىن قۇرعان كەزدە اتا- ەنەڭىزبەن بىرگە تۇراسىز با؟ ولار قانداي ادام؟ دەگەن سىندى ماسەلەلەردى الدىن الا ساراپتاپ الۋ قاجەت.
بۇدان وزگە ادامنىڭ قوعاممەن ارەكەت ەتەتىن ورتاسى بار. جوعارى ءبىلىم العان جانە ءبىلىم الىپ ۇلگەرمەگەن نەمەسە ءبىلىمدى قاجەت ەتپەگەن ادامنىڭ ورتاسى ەكى ءتۇرلى بولادى. ياعني ەكەۋىنىڭ كوزقاراستارى دا ءارتۇرلى بولادى. وسىنى ەسكەرمەسەڭىز، ەرتەڭ بىرىككەن كەزدە قانداي دا ءبىر كيكىلجىڭ مەن قاقتىعىس بولۋى مۇمكىن. ادامنىڭ ماتەريالدىق جاعدايى دا كىمدەرمەن ارالاساتىندىعىن انىقتايدى. الەۋمەتتىك- تۇرمىستىق جاعدايى ەكىتۇرلى قىز بەن جىگىتتىڭ ورتاسى ءارتۇرلى بولادى.
ەكىنشى ورىندا ماحاببات تۇر. قىز بەن جىگىت اراسىندا بىرەۋ جاقسى كورىپ، ەكىنشى سۇيمەۋى مۇمكىن. ياعني بىرەۋى ءوزىن سۇيدىرگەندى قالايدى، ەكىنشىسى سۇيگەندى قالايدى. سەزىمنىڭ ەكى جاقتان بىردەي بولۋى قارىم- قاتىناسقا تىكەلەي اسەر ەتەدى. ءۇشىنشى ورىندا ماتەريالدىق جاعداي تۇرادى. ەگەر قىز بالا جىگىتتىڭ ماتەريالدىق جاعدايىنا تەز بەيىمدەلىپ، اقشانى رەتىمەن جۇمساپ وتىراتىن بولسا، كەرەمەت وتباسى شىعادى»، - دەيدى مارال سارباس قىزى.