قازاق بوكسشىسى چەمپيوندىق بەلبەۋىن قورعاۋعا دايىندالۋدا

استانا. قازاقپارات - الەمدىك كاسىپقوي بوكس جۇلدىزى بەكمان سويلىبايەۆ ەكىنشى جارتىلاي جەڭىل سالماقتاعى WBC International چەمپيوندىق بەلبەۋىن قورعاۋعا دايىندىقتى باستادى جانە كەشە استانادا ءبىرىنشى سپاررينگ-كەزدەسۋ وتكىزدى، دەپ حابارلايدى «قازاقستاننىڭ كاسىپقوي بوكسى» فەيسبۋكتە.

بەكمان «Ali Gym club» زالىندا ءمىرجان راحىمجانوۆپەن بىرگە سپاررينگ وتكىزىپ، ءوزىنىڭ ارسەنالىنداعى كەيبىر ەلەمەنتتەردى جاسادى.

ەسكە سالايىق، بەكمان سويلىبايەۆ - جارتىلاي جەڭىل سالماقتاعى WBC International چەمپيوندىق بەلبەۋىنىڭ يەگەرى، WBC جەلىسى بويىنشا وسى سالماقتاعى توپ-25 بوكسشىلار تىزىمىنە كىرەدى.

جازدىڭ سوڭىندا ول وسى بەلبەۋدى قورعاۋ ءۇشىن ارگەنتينالىق وراتسيو كابرالمەن (19-0-1، 8 ك و) ايقاسادى.