قازاقستان بوكسىنىڭ جارىق جۇلدىزى ۆاسيلي جيروۆ يسلام ءدىنىن قابىلدادى - فوتو
11:00, 28 - ماۋسىم 2017
استانا. قازاقپارات - تاۋەلسىز قازاقستاننىڭ بوكستان العاشقى وليمپيادا چەمپيونى، ۆەل باركەر كۋبوگىنىڭ يەگەرى، ءبىرىنشى اۋىر سالماقتا IBF تۇجىرىمى بويىنشا كاسىبي بوكسشىلار اراسىندا بۇرىنعى الەم چەمپيونى، وتاندىق بوكستىڭ اڭىزى ۆاسيلي «بالقاش جولبارىسى» جيروۆ يسلام ءدىنىن رەسمي تۇردە قابىلدادى.
بۇل تۋرالى فەيسبۋكتە «قازاقستان كاسىبي بوكسى» حابارلادى ۆاسيلي جيروۆ يد- ۋل- فيتر (ورازا ايت)، مەرەكەسى قارساڭىندا يسلام ءدىنىن قابىلدادى، دەپ حابارلاندى «حازىرەت سۇلتان» مەشىتىنىڭ رەسمي سايتىندا.
ينستاگرامدا rustam_abdussalamov اتاپ وتكەندەي، «كەشە ەرەكشە كۇن بولدى... ەرەكشە ايت! ادەتتەگىدەي تاڭعى 5 تە وياندىق، ايت نامازىنا باردىق، ءبىراق وسى جولى مەنىمەن نامازعا ۆاسيا جيروۆ باردى، ول مەنىڭ جانىمدا تۇردى، ءبىر قاتاردا وسىنداي ەرەكشە كۇندە، ءارى ەلوردانىڭ ورتالىق مەشىتىندە ومىرىندەگى العاشقى نامازىن وقىدى!».