ايگىلى لارا فابيان ديماش قۇدايبەرگەننىڭ كونسەرتىنە نەگە كەلمەدى؟

استانا. قازاقپارات - لارا فابيان ديماش قۇدايبەرگەننىڭ اكەسى ءارى پروديۋسەرى قانات ايتبايەۆ استاناداعى كونسەرتكە الەمگە اتى تانىلعان لارا فابياننىڭ نەگە كەلمەگەنىن ءتۇسىندىردى.

«مينيسترلىكتىڭ تاراپىنان ۇسىنىستار بولعان، ءبىراق ءبىز شىعارماشىلىق ۇجىمدا تالقىلاي كەلە، بۇگىن ونەر كورسەتەتىن انشىلەردى تاڭدادىق. لارا فابيانمەن الداعى ۋاقىتتا دۋەت بولادى. سەبەبى بۇل جاقسى شىعارماشىلىق يدەيا، ولاردا دا جاقسى شىعارماشىلىق ۇجىم. بولاشاقتا بولادى، مۇنداي دۇنيەلەر اسىعىستىقپەن بولمايدى»، - دەدى قانات ايتبايەۆ.

ايتا كەتەيىك، وسىعان دەيىن ق ر مادەنيەت جانە سپورت ءمينيسترى ارىستانبەك مۇحامەدي ۇلى لارا فابياننىڭ ديماشپەن استانادا بىرگە ءان ورىنداۋعا دايىن ەكەنىن مالىمدەگەن بولاتىن. ۇيىمداستىرۋشىلاردىڭ ايتۋىنشا، كونسەرتكە دايىندىق 2,5 اي بويى جۇرگىزىلگەن. قازاقستاندىق رەجيسسەر ءارى بۇگىنگى شوۋدىڭ ۇيىمداستىرۋشىلارىنىڭ ءبىرى اسحات ماەميروۆ فابيانمەن دۋەتتى بولاشاقتاعى كونسەرتكە دايىندايتىنىن جەتكىزدى.

ايتا كەتەيىك، ديماش قۇدايبەرگەننىڭ العاشقى ۇلكەن كونسەرتىندە شۆەدتىڭ تانىمال ءانشىسى لورين (Loreen)، قازاقستاندىق وپەرا ءانشىسى مايرا مۇحامەد قىزى جانە باسقا دا انشىلەر قاتىستى. ديماش قۇدايبەرگەننىڭ كونسەرتى "استانا ارەنا" ستاديونىندا ءوتتى.

Tengrinews.kz