ماعان مەكسيكالىقتاردىڭ ەموتسياسى ۇنايدى - گولوۆكين
21:58, 27 - ماۋسىم 2017
استانا. قازاقپارات - ا ق ش- تىڭ لوس-اندجەلەس قالاسىنا جاساعان پرەسس-تۋرى بارىسىندا گەننادي گولوۆكين كەلەسى قارسىلاسى ساۋل الۆارەسپەن بىرگە باسپا ءسوز ءماسليحاتىن وتكىزىپ، سان الۋان بۇقارالىق اقپارات قۇرالدارىنا سۇحبات بەردى، دەپ حابارلايدى قازاقپارات ءتىلشىسى.
گەننادي گولوۆكيننىڭ ايتۋىنشا، باپكەرى ابەل سانچەس ونى «مەكسيكالىق ستيلگە» ۇيرەتتى. سونداي-اق، ول مەكسيكاداعى ءوز جانكۇيەرلەرىن قاتتى قۇرمەتتەيدى. «ولار - فانات ەمەس، مەنىڭ دوستارىم. مەن ولاردى قاتتى سىيلايمىن. مەن ولاردىڭ بوكستى قاتتى جاقسى كورەتىنىن بىلەمىن. ماعان مەكسيكالىقتاردىڭ ەنەرگياسى، ەموتسياسى ۇنايدى. ولار - بوكستىڭ شىنايى جانكۇيەرلەرى. سەن مەكسيكادان شىقتىڭ با؟ كەڭەس وداعىندا تۋدىڭ با؟ وعان قارامايدى. سەبەبى ولار - ناعىز فاناتتار»، - دەيدى گولوۆكين.
لوس-اندجەلەستە وتكەن پرەسس-تۋر كەزىندە گولوۆكينگە قولداۋ ءبىلدىرىپ، «Triple G!» دەپ ايقايلاپ تۇرعان مەكسيكالىقتاردىڭ از ەمەس ەكەنىن بايقاۋعا بولادى. ولاردىڭ ىشىندە قازاقتار دا بار.