استانادا ديماش قۇدايبەرگەننىڭ كونسەرتىنە بايلانىستى كولىك قوزعالىسى شەكتەلەدى

  دەپ حابارلايدى استانا قالالىق ءى ءى د جەرگىلىكتى پوليتسيا قىزمەتى.

ساعات 19.00-دەن باستاپ كونسەرت اياقتالعانعا دەيىن تۇران جانە قابانباي باتىر داڭعىلدارىنان، جانىبەك، كەرەي حاندار كوشەسىنەن ۇلى دالا كوشەسىنە دەيىنگى ارالىقتاعى كولىك قوزعالىستارى شەكتەلەدى. ماڭگىلىك ەل، تۇركىستان، اقمەشىت كوشەلەرىمەن اينالىپ وتۋگە كەڭەس بەرىلەدى.

ديماش قۇدايبەرگەن ونەر كورسەتەتىن كۇنى ستاديونعا №10, 12, 27, 37, 40, 51, 53, 501, 502, 503, 505, 506 قوعامدىق كودىكتەرىمەن جەتۋگە بولادى.

ساعات 18.00-دەن باستاپ ءتورت جەردەن: «قازاقستان» س ك اۆتوتۇراعى، «نۇر استانا» مەشىتىنىڭ الدى، ەلوردالىق سيرك اۆتوتۇراعى جانە «جاستار» سارايى الدىنان كورەرمەندەردى «استانا ارەناعا» جەتكىزەتىن ارنايى كولىكتەر ۇيىمداستىرىلادى.

ارنايى رەيس اۆتوبۋستارىنداعى جول اقىسى 90 جانە 150 تەڭگەدەن، جول ءجۇرۋ بيلەتتەرى جارامسىز.

كونسەرت اياقتالعاننان كەيىن وسى رەيستىك اۆتوبۋستارمەن نەمەسە № 10, 12, 27, 37, 28, 40, 51, 53, 501, 502, 503, 505, 506 قوعامدىق كولىكتەرىمەن قالاعا جەتۋگە بولادى.

 استانا قالاسى ءى ءى د جەرگىلىكتى پوليتسيا قىزمەتى جۇرگىزۋشىلدەردەن اۆتوكولىكتەردى قوعامدىق كولىك رەتىندە پايدالانۋدان باس تارتۋىن سۇرايدى.