قازاق جۋرناليستيكاسىنىڭ قارا نارلارى ماراپاتتالدى
جۇلدەنى قوعامدىق اتاقتار مەن ماراپاتتار جونىندەگى رەسپۋبليكالىق كەڭەس تاعايىندادى، دەپ جازادى «ايقىن» باسىلىمى.
«مەملەكەت باسشىسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ۇستانىمدارى نەگىزىندە ۇلتتىق كودتى نىعايتۋ مەن ۇلتتىق سانانى وركەندەتۋ ماقساتىندا ءارى بۇقارالىق اقپارات قۇرالدارى قىزمەتكەرلەرىنىڭ كاسىبي مەرەكەسى قارساڭىندا ۇيىمداستىرىلىپ وتىر.
جۋرناليستەردىڭ رەسمي مەيرامىندا بىلىكتى ءتورتىنشى بيلىك وكىلدەرىنە قوعامدىق نەگىزدەگى كاسىبي جوعارى ماراپات تاپسىرۋدى ءجون كوردىك»، - دەپ اتاپ ءوتتى رەسپۋبليكالىق كەڭەستىڭ ءتوراعاسى، «پرەزيدەنت جانە حالىق» گازەتىنىڭ باس رەداكتورى مارات توقاشبايەۆ. «قازاق جۋرناليستيكاسىنىڭ قايراتكەرى» اتاعىن ءتورتىنشى بيلىك اقساقالدارى، اعا بۋىن وكىلدەرى ساپابەك ءاسىپ ۇلى، شەرحان مۇرتازا، سارباس اقتايەۆ، ۋاحاپ قىدىرحان ۇلى، عابباس قابىش ۇلى، زاكىر اسابايەۆ، ماماديار جاقىپ، بەكبولات ادەتوۆ، فايزوللا ورازايەۆ، ورىسباي ابىلدايەۆ، نۇرمامبەت قيزاتوۆ، بەيبىت قويشىباي، نۇرلان ورازالين، ەرجۇمان سمايىل، جارىلقاپ بەيسەنباي ۇلى، جانات ەلشىبەكوۆ جانە اسقانباي ەرعوجايەۆ يەلەندى.
سونىمەن قاتار ايتۋلى ماراپاتتىڭ مەدالىن بۇگىنگى بۇقارالىق اقپارات قۇرالدارىنىڭ باسشىلارى دا كەۋدەسىنە تاقتى.
اتاپ ايتساق، ناعاشىبەك قاپالبەك ۇلى، كوپەن امىربەك، جۇماباي شاشتاي ۇلى، نەسىپ جۇنىسبايەۆ، رىسبەك سارسەنباي، مەرەكە قۇلكەنوۆ، جانبولات اۋپباي، نۇرتىلەۋ يمانعالي ۇلى، قالي سارسەنباي، ساعاتبەك مەدەۋبەك ۇلى، نۇرتورە ءجۇسىپ جانە تاعى باسقالارى.
سونداي-اق ارىپتەسىمىز «قازاقپارات» ح ا ا شىعارۋشى رەداكتورى ەرلان قوجاكەلديەۆ تە وسى ماراپاتقا يە بولدى.