«ءال- مايادين» ارناسىنىڭ حابارلاۋىنشا، مۇنداي مالىمدەمەنى كاتار ەميرى تاميم بەن حاماد ال تاني يران پرەزيدەنتى حاسان روۋحانيمەن تەلەفون ارقىلى سويلەسۋ كەزىندە ايتقان. ءوز كەزەگىندە يران باسشىسى ەلدىڭ قۇرلىق، تەڭىز جانە اۋە كەڭىستىگى كاتار ءۇشىن ءارقاشان اشىق ەكەنىن ايتىپ، ماسەلەنىڭ كەلىسسوزبەن شەشىلەتىنىنە ءۇمىت ءبىلدىردى. ايتا كەتەيىك، بۇعان دەيىن بىرىككەن اراب امىرلىگى مەن ساۋد ارابياسى، ەگيپەت جانە باحرەين كاتاردى لاڭكەستەرگە قولداۋ كورسەتەدى دەپ ايىپتاپ، بۇل ەلمەن بايلانىسىن بىردەن ۇزگەن بولاتىن. دەگەنمەن بىرەر كۇن بۇرىن جاعدايدى جاقسارتۋ ءۇشىن دوحاعا ءوز تالاپتارىن قويدى. ولاردىڭ نەگىزگىسى كاتاردىڭ يرانمەن بايلانىسىن ءۇزىپ، ەلدەگى تۇركيانىڭ اۋە بازاسىن جابۋ جانە ۇكىمەت قارجىلاندىراتىن «ءال- جازيرا» ارناسىنىڭ جابىلۋى. ىلە- شالا كاتاردىڭ سىرتقى ىستەر ءمينيسترى بۇل تالاپتىڭ ءبارىن ورىنداۋ مۇمكىن ەمەستىگىن ايتتى.
www.24.kz