مەملەكەت باسشىسى شي جينپيڭگە كوڭىل ايتۋ جەدەلحاتىن جولدادى
07:59, 26 - ماۋسىم 2017
استانا. قازاقپارات - قازاقستان پرەزيدەنتى قىتاي حالىق رەسپۋبليكاسىنىڭ ءتوراعاسى شي جينپيڭگە كوڭىل ايتۋ جەدەلحاتىن جولدادى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسى بيىلعى 24- ماۋسىمدا سىچۋان پروۆينتسياسىنداعى لاي كوشكىنى سالدارىنان كوپتەگەن ادامنىڭ قازا بولعانى تۋرالى حاباردى زور كۇيزەلىسپەن قابىلدادى.
«وسىنداي اۋىر ساتتە قازاقستان حالقىنىڭ جانە جەكە ءوزىمنىڭ اتىمنان سىزگە، قازا بولعانداردىڭ وتباسىلارى مەن تۋعان-تۋىستارىنا كوڭىل ايتىپ، زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرەمىن»، - دەلىنگەن جەدەلحاتتا.