گولوۆكين ءوزىنىڭ سپورتتان كەتۋ-كەتپەۋى تۋرالى سۇراق قازاق ايەلىنە قويىلۋ كەرەكتىگىن ايتتى

استانا. قازاقپارات -  WBC، WBA (Super) ، IBF جانە IBO بويىنشا الەم چەمپيونى سانالاتىن گەننادي گولوۆكين ءوزىنىڭ سپورتتان كەتۋ-كەتپەۋ تۋرالى شەشىمى كىمگە بايلانىستى بولاتىنىن ايتتى دەپ حابارلايدى Vesti.kz باسىلىمى.

«كانەلومەن جەكپە-جەكتەن سوڭ سپورتتان كەتەم بە؟ مۇمكىن. راسىندا بۇل سۇراق ايەلىمە قويىلۋى ءتيىس. كەي كەزدەرى ول مەنەن «ەي، گولوۆكين، مۇمكىن وسى جەكپە-جەگىڭ سوڭعى شىعار؟» ، - دەپ سۇرايدى.

سەبەبى مەنىمەن كوبىرەك ۋاقىت وتكىزگىسى كەلەدى. ءبىراق مەن وعان بۇل ءوزىمنىڭ شارۋام ەكەنىن ايتامىن. البەتتە، ايەلىم مەنىمەن كوبىرەك ۋاقىت وتكىزگىسى كەلەدى. ول ايەل ەكەنىن تۇسىنەسىز عوي»، - دەدى گولوۆكين TMZ Sports باسىلىمىنا بەرگەن سۇحباتىندا.

ەسكە سالساق، 35 جاستاعى بوكسشى كانەلومەن جەكپە-جەككە شىققاننان سوڭ سپورتتان كەتۋى مۇمكىن ەكەنىن مالىمدەپ، ەلدى تاڭعالدىرعان بولاتىن.

ال گولوۆكين- كانەلو جەكپە-جەگى 16- قىركۇيەك كۇنى لاس-ۆەگاستا وتپەك.