ب ۇ ۇ- دا استانا كودەكسى دايارلانىپ جاتىر - مينيستر ءابدىراحمانوۆ
ق ر سىرتقى ىستەر ءمينيسترى قايرات ءابدىراحمانوۆتىڭ ايتۋىنشا، اتالعان قۇجاتتا مەملەكەت باسشىسى نۇرسۇلتان نازاربايەۆتىڭ حالىقارالىق تەرروريزمگە قارسى ءبىرقاتار باستامالارى كورىنىس تاپقان جانە كودەكس تەرروريزمگە قارسى كۇرەستە بىرلەسىپ جۇمىس ىستەۋدى كوزدەيدى، دەپ حابارلايدى قازاقپارات ءتىلشىسى.
«ول قۇجات تەرروريزمگە قارسى، شىن مانىندە، كۇرسۋگە دايىن تاراپتاردىڭ كۇشىن بىرىكتىرۋگە ارنالىپ وتىر. قازىرگى كەزدە بۇۇ ساراپشىلارى مەن قازاقستاندىق ماماندار كودەكس بويىنشا بىرلەسىپ جۇمىس ىستەپ جاتىر. اتالعان قۇجات الدىمەن بۇۇ قاۋىپسىزدىك كەڭەسىنىڭ تالقىسىنا شىعارىلادى»، - دەدى ءابدىراحمانوۆ ەۋرازيالىق مەديا فورۋمنىڭ بۇگىنگى سەسسياسىندا.
اتالعان وتىرىس سيرياداعى داعدارىس ماسەلەسىنە ارنالدى. مينيستر كودەكستىڭ مازمۇنىن اشقان جوق. سەبەبى بىرلەسكەن جۇمىس بارىسىندا ءبىراز ماسەلەلەردى پىسىقتاۋ قاجەت. ماسەلەن، "تەرروريزم" ءسوزىنىڭ ناقتى انىقتاماسىن، وعان جاتاتىن توپتاردى كورسەتكەن ءجون.
«ارينە، ەڭ باستىسى، ساياسي ديالوگ ورناتقان ءجون. سوسىن كودەكس اياسىندا تەرروريزمگە قارسى كۇرەسەتىن مەملەكەتتەردىڭ ناقتى ۇستانىمىن ايقىنداۋ قاجەت. ءبىز وسىنى كوزدەيمىز. بۇۇ ساراپشىلارى مەن قاۋىپسىزدىك كەڭەسىنىڭ مۇشەلەرى استانا كودەكسىن ماقۇلداعاننان كەيىن اتالعان قۇجات قوعامنىڭ تالقىلىسىنا شىعارىلاتىن بولادى»، - دەپ اتاپ كورسەتتى مينيستر ايتا كەتەيىك، ب ۇ ۇ قاۋىپسىزدىك كەڭەسىنىڭ وتىرىسىندا ق ر پرەزيدەنتى نۇرسۇلتان نازاربايەۆ تەرروريزمگە قارسى حالىقارالىق وپەراتسيالاردى وتكىزۋگە ارنالعان ورتاق كودەكستى دايارلاۋدى ۇسىنعان بولاتىن.
«اتالعان قۇجاتتىڭ نەگىزىندە تەرروريزمگە قارسى جاھاندىق كواليتسيانى قۇرۋعا بولادى. ال ب ۇ ۇ سونىڭ باستاماشىسى بولدى»، - دەدى ن. نازاربايەۆ.