بۇل جولى زياندى باعدارلامالىق جاساقتامانىڭ شابۋىلىنا اۆستراليا جول ينسپەكتسياسىنىڭ قىزمەتكەرلەرى تاپ بولدى، دەپ جازادى life.ru. شۋلى WannaCry ۆيرۋسىنىڭ جاساۋشىلارى اۆستراليالىق جۇرگىزۋشىلەردىڭ اقشالارىن ساقتاپ قالۋلارىنا كومەكتەسىپ، «سىيلىق» جاسادى. ۆيرۋس جولداعى 55 باقىلاۋ كامەراسىنا كىرىپ كەتىپ، سونىڭ سالدارىنان پوليتسيا جولدا جىلدامدىقتى ارتتىرعان جانە باعدارشامنىڭ قىزىل تۇسىنە ءوتىپ كەتكەن جۇرگىزۋشىلەردىڭ ايىپپۇلىن جويۋعا تۋرا كەلگەن.
جول ينسپەكسياسىنىڭ 590 ايىپپۇلى جويىلعان. تەحنيكالىق قىزمەت كورسەتۋ ماماندارى بايقاۋسىزدا USB- توعاننىڭ كومەگىمەن كامەرالار جەلىسىنە زياندى ب ج جۇكتەپ جىبەرگەن. «مەن ايىپپۇلداردى جويدىم، سەبەبى كوپشىلىكتىڭ جۇيەنىڭ جۇمىسىنا 100 پروتسەنت سەنىممەن قاراعانى ماڭىزدى دەپ ەسەپتەيمىن»، - دەپ تۇسىنىك بەردى كوميسساردىڭ ورىنباسارى مىندەتىن اتقارۋشى روسس گيۋنتەر.
بۇكىل الەمگە تارالعان ۆيرۋس- بوپسالاۋشى WannaCry كومپيۋتەرلەردى بۇعاتتاپ، ونى اشۋ ءۇشىن اقشا سۇرايدى. رەسەيدە ونىڭ شابۋىلىنا "مەگافون" مەن ىشكى ىستەر مينيسترلىگى ۇشىراعان ەدى.
فوتو: flickr.com/Guy Middleton